بلیا:
سہیل دیو بھارتیہ سماج پارٹی کے صدر اوم پرکاش راجبھر نے کہا کہ اگر اسدالدین اویسی اترپردیش کے ووٹر بن جاتے ہیں تو وہ ریاست کے وزیر اعلیٰ بھی ہوسکتے ہیں۔
بی جے پی کے سابق اتحادی سہیل دیو بھارتیہ سماج پارٹی کے صدر اور سابق کابینی وزیر راجبھر نے جمعہ کے روز کہا تھا کہ آل انڈیا مجلس اتحاد المسلمین (اے آئی ایم آئی ایم) کے صدر اسد الدین اویسی اگر ووٹر بن جاتے ہیں تو وہ اتر پردیش کے وزیر اعلیٰ بن سکتے ہیں۔
انہوں نے کہا ، ’اتر پردیش میں مسلمان تقریباً 20 فیصد ہے، اگر ان کی حصہ داری ہے تو اقتدار میں بھی ان کی بھاگیداری ہونی چاہئے، ان کا حق ہے ، مسلمانوں کا بھی حصہ ہے ۔ ‘انہوں نے سوال کیا ، ‘ایک مسلمان کا بیٹا وزیر اعلیٰ اور نائب وزیر اعلیٰ کیوں نہیں بن سکتا؟ کیا مسلمان ہونا گناہ ہے؟ ‘
انہوں نے کہاکہ علیحدگی پسند اور پاکستان کی بات ہمیشہ کرنے والی محبوبہ مفتی سے سمجھوتہ کر کے بی جے پی نے جموں وکشمیر میں سرکار بنائی۔ راجبھر نے وزیر اعلیٰ یوگی آدتیہ ناتھ کا نام لئے بغیر کہا کہ وہ چالاک نکلے ورنہ اتراکھنڈ سے آکر اترپردیش کا ووٹر بن کر وزیر اعلیٰ بن گئے۔
