ہم پاکستان کے باپ ہیں ، بی جے پی لیڈر

گروگرام :

ہریانہ بی جے پی کے ترجمان اور کرنی سینا کے صدر سرج پال آمو نے گروگرام میں منعقد ایک مہا پنچایت میں متنازع بیان دیتے ہوئے کہاکہ بھارت ہماری ماں ہے تو ہم پاکستان کے باپ ہیں اور پاکستانیوں کو ملک سے بے دخل کرنے کا قرار داد پیش کرو۔ اس مہاپنچایت میں بی جے پی رہنما نے بالی ووڈ اداکار سیف علی خان اور ان کے پریوار کےخلاف بھی بدزبانی کی، حالانکہ ہریانہ بی جے پی نے سرج پال آمو کے بیان سے خود کو الگ کرلیا ہے ۔

اتوار کے روز گروگرام کے پٹودی علاقے میں ایک مہاپنچایتبلائی گئی تھی۔یہ مہا پنچایت تبدیلی مذہب ، لیو جہاد اور آبادی کنٹرول قانون پر بحث کرنے کے لیے بلائی گئی تھی۔ اسی پروگرام میں ہریانہ کے ترجمان سرج پال آمو نے متنازع بیان دیتے ہوئے کہاکہ اگر بھارت ہماری ماں ہے تو ہم پاکستان کے باپ ہیں اور ہم یہاں پاکستانیوں کو کرائے پر اپنا گھر نہیں دیں گے ۔ اب پاکستانیوں کو ملک سے بے دخل کرے کا قرار داد پاس کرو۔

حالانکہ بی جے پی لیڈر سرج پال آمو کے بیان سے ہریانہ بی جے پی نے خود کو الگ کرلیا ہے ، دی انڈین ایکسپریس کی طرف سے جب آمو کے بیان پر رد عمل لیا گیا تو ہریانہ بی جے پی کے ایک سینئر لیڈر نے کہاکہ یہ ان کا ذاتی بیان ہے اور پارٹی کا اس سے کوئی لینا دینا نہیں ہے ۔ بتادیں کہ سرج پال آمو کو 2013 میں ہریانہ بی جے پی کا ترجمان مقرر کیا گیا تھا، آمونے 2014 سے لے کر 2019 تک میڈیا کوآرڈی نیٹر کی حیثیت سے کام کیا۔ 11 جون کو آمو کو ایک بار پھر ہریانہ بی جے پی کا ترجمان مقرر کیا گیا۔