لکھنؤ :
لکھنؤ یونیورسٹی نے اپنی آفیشل ویب سائٹ پر نوٹس جاری کرکے یوپی بی ایڈ 2021 داخلہ امتحان کی تاریخ ملتوی کردی ہے ۔ ایگزام پہلے 18 جولائی کو منعقد کیاجانا تھا، مگر اب داخلہ امتحان کا انعقاد 30 جولائی کو کیا جائے گا۔ اس سے متعلق تفصیلی جانکاری یونیورسٹی کی آفیشیل ویب سائٹ پر جاری کردی گئی ہے ۔
جاری نوٹس کے مطابق وزیر اعلیٰ یوگی آدتیہ ناتھ کی ہدایت کے مطابق 30 جولائی کو امتحان کاانعقاد کیا جائے گا۔ امتحان پہلے کی طرح ہی دو شفٹوں میں لیا جائے گا۔ اترپردیش کے 75 اضلاع میں امتحان کا انعقاد کیاجائےگا اوراس کے لیے 14 نوڈل سینٹر بنائے گئے ہیں ، کل 5,91,305امیدواروں کے لیے امتحان کاانعقاد کیا جارہاہے ۔
گزشتہ سال کی طرح اس سال بھی صرف سرکاری اور امداد یافتہ اداروں کو ہی ایگزام سینٹر بنایا گیاہے ۔ گزشتہ کچھ عرصہ سے ایگزام کی تاریخ ملتوی ہونے کے امکان کئے جارہے تھے۔ یونیورسٹی نے بھی ایگزام ڈیٹ فائنل کرنے کے لیے محکمہ تعلیم سے وقت مانگا تھا۔ اب امتحان کی تاریخ جاری ہونے کے بعد جلد ہی ایڈمٹ کارڈ جاری کئے جائیں گے اور دیگر جانکاریاںجاری کی جائیں گی۔ امیدواروں کو مشورہ ہے کہ وہ یونیورسٹی کی آفیشیل ویب سائٹ lkonuiv.ac.inپر نظر بناکر رکھیں۔
