نئی دہلی:
ڈاسنہ مندر کے مہنت اور مسلمانوں کے خلاف نفرت انگیزی کے لیے مشہور سوامی نرسنگھآنند نے اپنے ایک حالیہ بیان میں مسلم اداروں کا نام لے کر کہا کہ انہیں بمباری کرکے تباہ کر دیا جائے۔ خاص طور سے علی گڑھ مسلم یونیورسٹی کے خلاف خوب زہر اگلا۔ سوامی نرسنگھا نند نے ایک ویڈیو میں کہا جو وائرل ہورہاہے’اے ایم یو مسلسل ملک دشمن اور انسانیت دشمن عناصر تیار کررہا ہے،یہ تو سرکاریں کمزور ہیں اگر کسی دن کوئی ’مرد‘دہلی کی گدی پر بیٹھا تو اسے سب سے پہلے دارالعلوم دیوبند، علی گڑھ مسلم یونیورسٹی اور پھر جامعہ ملیہ اسلامیہ دہلی کوختم کرناہوگا۔پہلے ہی دن ان تینوں کو تباہ کردینا چاہیے،تبھی یہ ملک خوشحال ہوسکتا ہے۔
واضح رہے یہ پہلا اشتعال انگیز اور دو فرقوں کے درمیان منافرت پھیلانے والا بیان نہیں ہے ۔سوامی دہلی فساد کے موقع پر بھی ناقابل ذکر انداز میں ایک فرقہ کو دھمکیاں دی تھیں۔انہوں نے کچھ عرصہ قبل دہلی کے پریس کلب میں آنحضرت صلی اللہ علیہ وسلم کی شان اقدس میں نا زیبا الفاظ کا استعمال کیا تھا، جس پر ایف آئی آر ہوئی تھی ،مگر کیا کارروائی ہوئی پتہ نہیں چل سکا ہے۔
واضح رہے کہ ناصر کہوہامی نام کے ٹویٹر یوزر نے علی گڑھ اور یوپی پولیس کو یہ ویڈیو ٹویٹ کیا ہے اور انگلش پورٹلmuslim mirror نے اپنی خبر میں شامل کیا ہے۔
