نئی دہلی :
یونیورسٹی گرانٹس کمیشن ( یو جی سی ) نے یونیورسٹی اور کالجز کو ایگزامس – تعلیمی کیلنڈر پر گائڈ لائنس جاری کی ہے ۔ یو جی سی نے تعلیمی اداروں سے کہا ہے کہ وہ 2021-22کے پہلے سال کے کورس میں ایڈمشن 30 ستمبر سے پہلے پورا کرلیں، تاکہ یکم اکتوبر سے نیا سیشن شروع کیا جا سکے ۔
نئی گائڈلائنس کے مطابق آخری سال کے امتحانات اگست 31,2021سے پہلے لازمی طور سے ہونی ہے ، یہ امتحانات آف لائن ، آن لائن دونوں ہی طریقے سے کرائے جاسکتے ہیں۔
تازہ گائڈ لائنس میں کہا گیا کہ انٹرمیڈیٹ کے طلبہ کے لیے کالج اپنا تشخیص سیشن (آن لائن ؍ آف لائن ؍ مکسڈ موڈ میں ) جلد سے جلد شروع کرسکتے ہیں۔ یہ کووڈ 19-وبا سے متعلق تمام ہدایات پر عمل کرنے کے ساتھ کیا جانا چاہئے۔
بورڈ کے رزلٹ کے بعد ہی کالج؍ یونیورسٹی دے سکتی ہیں ایڈمشن
سپریم کورٹ کے آرڈر کے تحت دئے گئے ہیں کہ کالج اور یونیورسٹی تمام طلبہ کا ایڈمشن لے سکتے ہیں۔ جب ان کے بورڈ کے امتحان کا رزلٹ آؤٹ ہوگیا ہو ۔ یہ ہدایات آ ئی سی ایس ای ، سی بی ایس ای اور تمام اسٹیٹ بورڈس کے لیے ہیں۔
توقع ہے کہ تمام اسکول بورڈ کلاس 12 ویں کے امتحانات کے لیے اپنے نتائج جولائی 2021 تک اعلان کردیں گے ۔
سیشن 2021-22کے لیے پہلے سال کے کورسز ؍ پروگرامس میں داخلہ 30 ستمبر 2021تک پورا ہونا چاہئے۔ یکم اکتوبر 2021 تک نئے سیشن کی شروع ہونی ہے ۔
اگر کسی وجہ سے بورڈ امتحانات کے نتائج میں تاخیر ہوتی ہے تو ، کالج ؍ یونیورسٹیاں 18 اکتوبر 2021 تک تعلیمی سیشن شروع کرنے کا منصوبہ بنا سکتے ہیں۔
