بنگلور:
کرناٹک کے وزیر اعلیٰ بی ایس یدیورپا نے پیر کے روز اپنے عہدے سے استعفی دینے کا اعلان کیا۔
مسٹر یدیورپا (78) نے وزیر اعلی کی حیثیت سے دو سال مکمل ہونے کے موقع پر منعقدہ تقریب میں استعفی دینے کے اپنے فیصلے کا اعلان کیا۔
انہوں نے کہا کہ ریاست کے عوام خصوصا ان کے اپنے حلقہ شکاری پور کے عوام نے انہیں اپنے پانچ دہائیوں کے سیاسی کیریئر میں بے حد پیار اور محبتوں سے نوازا ہے۔
مسٹر یدیورپا نے کہا کہ میں آج شام کرناٹک کے گورنر ٹی سی گہلوت کو اپنا استعفیٰ پیش کرنے کا ارادہ رکھتا ہوں۔
انہوں نے اپنے دور اقتدار میں بھر پور حمایت اور تعاون دینے پر وزیر اعظم نریندر مودی، بھارتیہ جنتا پارٹی (بی جے پی) کے قومی صدر جے پی نڈا اور پارٹی کے دیگر سینئر لیڈروں کا بھی شکریہ ادا کیا۔
