نئی دہلی :
دہلی یونیورسٹی میں سائنس کے انڈر گریجویٹ اور پوسٹ گریجویٹ کورسز کے طلبا کے لیے کلاسز 16 اگست سے شروع ہونے والی تھیں ، لیکن یونیورسٹی نے اب کالجوں اور محکموںکوپھر سے کھولنے کے اپنے فیصلے کو موخر کر دیا ہے۔ یونیورسٹی نے یہ حکم گزشتہ دو دن پہلے ہی جاری کیا تھا ، لیکن آج اسے واپس لے لیا۔
کورونا کے کم ہوتے ہوئے معاملے کے پیش نظر دہلی یونیورسٹی نے جمعرات کو سائنس میں انڈر گریجویٹ اور پوسٹ گریجویٹ کورسز کے لیے کالجوں اور شعبوں کو دوبارہ کھولنے کے اپنے فیصلے میں توسیع کردی ہے ۔ یونیورسٹی نے اسے جمعرات کو پھر سے کھولنے کا حکم جاری کیا تھا لیکناسے اب واپس لے لیا گیاہے ۔
جمعرات کو دہلی یونیورسٹی کی طرف سے جاری کردہ حکم میں کہا گیا تھا کہ انڈر گریجویٹ اور پوسٹ گریجویٹ کورسز کے لیے کالج اور ڈپارٹمنٹ دوبارہ کھولے جا رہے ہیں ، لیکن فی الحال یونیورسٹی کے باقی کورسز صرف آن لائن چلیں گے۔
کورونا وائرس کی وجہ سے ، ملک بھر کے بیشتر اسکول ، کالج ، یونیورسٹیاں وغیرہ بند ہیں اور آن لائن تعلیم جاری ہے۔
یونیورسٹی کے رجسٹرار کی طرف سے جاری کردہ لیٹر میں کہا گیا تھا ، ‘کورونا وائرس کے کیسز میں کمی کی وجہ سے ، گریجویٹس اور پوسٹ گریجویٹس کے تحت سائنس کورسز کی پریکٹیکل اور کلاسز فزیکل موڈمیں چلائی جائیں گی ،حالانکہ اس دوران کورونا بحران کو پھیلنے سے روکنے کے لیے ضروری پروٹوکول پر عمل آوری لازمی ہے ۔
