نئی دہلی (آر کے بیورو)
اتحاد ملت کمیٹی کے کلیدی ممبر اور معروف عالم دین مولانا سجاد نعمانی نے سماجوادی پارٹی کے صدر اور سابق وزیر اعلیٰ اکھلیش یادو سے نئی دہلی واقع ان کی رہائش گاہ پر ملاقات کی جو کم وبیش ایک گھنٹہ جاری رہی ۔مولانا نعمانی پسماندہ طبقات کے لیڈروں میں بھی اثر رسوخ رکھتے ہیں۔
اتحاد ملت کانفرنس کے بعد ہونے والی یہ ملاقات کافی اہم مانی جارہی ہے،کیونکہ حضرت نعمانی دونوں اتحاد ملت کانفرنس میں شریک رہے ہیں ۔
ذرائع کے مطابق ملاقات میں یوپی میں ہونے والے اسمبلی انتخابات پر خاص طور سے گفتگو ہوئی۔ اکھلیش ان دنوں مسلمانوں کی سرد مہری سے بہت خوف زدہ ہیں۔ اپوزیشن کے لحاظ سے مسلم ایشو ان کا ٹریک ریکارڈ بہت خراب رہا ہے ۔اعظم خاں کے معاملہ ہو یا سی اے اے تحریک میں گرفتار افراد کامعاملہ وہ کچھ بولنے سے بچتے رہے ہیں یہ پہلا موقع ہے جب کسی معروف عالم دین نے جو مختلف نمائندہ اداروں سے وابستہ ہیں اعلانیہ ملاقات کی،حالانکہ کچھ عرصہ قبل بھی دونوں مل چکے ہیں۔
