بی جے پی کی طوفانی بیٹنگ، تباہ کن بالنگ، عام آدمی پارٹی کا ٹاپ آرڈر بھی ڈھیر

دہلی اسمبلی انتخابات کے لیے صبح آٹھ بجے سے ووٹوں کی گنتی جاری ہے۔ عام آدمی پارٹی کے کئی بڑے لیڈر الیکشن ہار چکے ہیں۔  اروند کیجریوال نئی دہلی سیٹ سے ہار گئے ہیں۔ منیش سسودیا کو جنگ پورہ سیٹ سے بھی شکست کا سامنا کرنا پڑا۔ وہیں، آتشی نے کالکاجی سیٹ سے الیکشن جیتا ہے۔  رجحانات اور الیکشن کمیشن کے اعداد و شمار کے مطابق بی جے پی کو اکثریت ملتی نظر آرہی ہے۔ 

دارالحکومت میں 5 فروری کو ووٹنگ ہوئی تھی۔  دارالحکومت میں گنتی کے 19 مراکز کے لیے تین درجے حفاظتی انتظامات کیے گئے ہیں، جن میں ہر مرکز پر نیم فوجی دستوں کی دو کمپنیاں تعینات کی گئی ہیں۔ آپ کو بتاتے چلیں کہ نتائج سے پہلے جاری کیے گئے ایگزٹ پول میں بتایا گیا تھا کہ اس بار بی جے پی کے لیے دہلی زیادہ دور نہیں ہے۔ یعنی ایگزٹ پول میں بی جے پی کو اکثریت ملنے کی بات کہی گئی۔ اگر ایسا ہوا تو یہ اپنے آپ میں ایک نئی تاریخ ہوگی۔

عام آدمی پارٹی کے کون سے بڑے لیڈر ہار گئے؟
**اروند کیجریوال نئی دہلی سیٹ سے ہار گئے۔
**منیش سسودیا جنگپورہ سیٹ سے ہار گئے ہیں۔
**سوربھ بھردواج گریٹر کیلاش سیٹ سے ہار گئے۔
**راجندر نگر سیٹ سے درگیش پاٹھک ہار گئے۔
**ستیندر جین شکوربستی سیٹ سے ہار گئے۔
**سومناتھ بھارتی مالویہ نگر سیٹ سے ہار گئے۔