امریکی صدر جو بائیڈن نے بدھ کو رپورٹرز کے اس سوال پر کہ آیا ایران کے اسرائیل پر میزائل حملے کے جواب کی صورت میں وہ ایرانی تنصیبات پر کسی حملے کی حمایت کرتے ہیں، کہا ہے کہ ان کا جواب نفی میں ہے۔
خبر رساں ادارے ایسوسی ایٹڈ پریس کے مطابق بائیڈن کی جانب سے یہ تبصرہ ایسے موقع پر آیا جب جی سیون ممالک کے سربراہان نے بدھ کے روز ایک فون کال کے دوران ایران پر مزید پابندیوں کے بارے میں غور کیا۔انہوں نے اپنے بیان میں اسرائیل اور اس کے عوام کے ساتھ امریکہ کی حمایت اور یک جہتی کو دہرایا۔
رساں ادارے رائٹرز کے مطابق سربراہان نے اپنے بیان میں کہا کہ، ’’ہم اسرائیلیوں کے ساتھ اس بات پر غور کریں گے کہ وہ کیسے ردعمل دیں، لیکن ہم ساتوں (جی سیون) اس پر متفق ہیں کہ ان کے پاس جواب دینے کا حق ہے اور انہیں برابری کا ردعمل دینا چاہئے۔‘‘
اٹلی وزیر اعظم جارجیا میلونی کے دفتر نے ایک بیان میں کہا کہ رہنماؤں نے "آخری گھنٹوں میں اضافے پر سخت تشویش” کا اظہار کیاہے اور اس بات پر زور دیا کہ "خطے کی سطح پر تنازعہ کسی کے مفاد میں نہیں ہے۔”
اس وقت اٹلی کے پاس صنعتی جمہوریتوں کے G7 گروپ کی گردشی صدارت ہے۔بائیڈن نے کہا کہ وہ نیتن یاہو کے ساتھ "نسبتاً جلد” بات کرنے کا ارادہ رکھتے ہیں۔
مبصرین کا کہنا ہے کہ اسرائیل کا اس بارجوابی وار پہلے سے زیادہ بڑا ہوگا، اور خیال کیا جا رہا ہے کہ وہ ایران کی تیل اور جوہری تنصیبات پر حملہ کر سکتا ہےبائیڈن نے رپورٹرز کو بتایا کہ ایران پر مزید پابندیاں عائد کی جائیں گی اور وہ جلد ہی نیتن یاہو سے بات کریں گے۔
امریکہ ،مغرب ایران پر چڑھ دوڑنے کو تیار ،کہا اسرائیل کو جواب دینے کا حق،ایٹمی تنصیبات نشانے پر؟
- ٹرینڈنگ
- تبصرے
- تازہ ترین
روزنامہ خبریں مفاد عامہ ‘ جمہوری اقدار وآئین کی پاسداری کا پابند ہے۔ اس نے مختصر مدت میں ہی سنجیدہ رویے‘غیر جانبدارانہ پالیسی ‘ملک و ملت کے مسائل معروضی انداز میں ابھارنے اور خبروں و تجزیوں کے اعلی معیار کی بدولت سماج کے ہر طبقہ میں اپنی جگہ بنالی۔ اب روزنامہ خبریں نے حالات کے تقاضوں کے تحت اردو کے ساتھ ہندی میں24x7کے ڈائمنگ ویب سائٹ شروع کی ہے۔ ہمیں یقین ہے کہ یہ آپ کی توقعات پر پوری اترے گی۔