نئی دہلی :
کورونا کی بھیانک شکل قابو میں آنے کے بجائے ہر روز اور زیادہ بھیانک ہوتی جارہی ہے۔ کورونا ہر روز اپنے گزشتہ ریکارڈ توڑ رہاہے۔ گزشتہ 24 گھنٹے میں ملک میں چار لاکھ سے بھی زیادہ نئے کورونا معاملے سامنے آئے ہیں۔صحت اور خاندانی بہبود کی مرکزی وزارت نے ہفتے کو یہ اطلاع دی۔
پچھلے 24 گھنٹوں کے دوران تین ہزار 523 لوگوں کی کورونا سے موت ہوگئی جس کے ساتھ اس انفیکشن سے مرنے والوں کی تعداد دو لاکھ 11 ہزار 853 ہوگئی۔راحت کی بات ہے کہ اب تک ایک کروڑ 56 لاکھ 80 ہزار مریضوں نے کورونا کو مات دی ہے۔
ماہرین کے جائزے کے مطابق ،ہندوستان کے کورونا وائرس معاملے اگلے ہفتے تین سے پانچ نئی درمیان عروج پر ہو سکے ہیں۔ انفیکشن پر نظر رکھنے کےلئے تشکیل ماہرین کے گروپ کے سربراہ ایم ودھا ساگر کے مطابق- ’’ہمارا اندازہ ہے کہ اگلے ہفتے تک،ملک بھر میں روز بڑھے ہوئے کورونا کے معاملے سامنے آئیں گے۔‘‘
انڈین کونسل آف میڈیکل ریسرچ (آئی سی ایم آر) کے ڈاٹا کے مطابق 30 اپریل تک 28,83,37,385 نمونوں کا ٹیسٹ کیا گیا ۔ ان میں سے 19,45,299 نمونوں کا کل ٹیسٹ کیا گیا تھا۔ 16 جنوری 2021 کے بعد سے، ملک بھر میں کل 15,49,89,635 لوگوں کو کورونا کے ٹیکے لگائے گئے ہیں۔ پچھلے 24 گھنٹوں کے دوران 27,44,485 لوگوں کو یہ خوراک دی گئی۔
ملک کا دارالحکومت دہلی اور مہاراشٹراس وقت کورونا ہاٹ اسپاٹ ہیں۔ گزشتہ 24 گھنٹوں کے دوران دہلی میں کورونا کے 27,047 نئے کیس رپورٹ ہوئے ہیں۔ اسی دوران 375 مریضوں کی موت کورونا کی وجہ سے ہوئی ہے ، صرف دہلی میں اس وقت فعال مریضوں کی تعداد 99,361 تک جا پہنچی ہے۔ لیکن کورونا کی دوسری لہر میں سب سے زیادہ متاثر ہونے والی ریاست مہاراشٹر ہے ،مہاراشٹر میں پچھلے 24 گھنٹوں کے دوران کورونا کے 62,919 نئے کیس سامنے آئے۔ کورونا کی وجہ سے 828 افراد ہلاک ہوگئے۔ مہاراشٹر میں فی الحال 6,62,640 فعال معاملات ہیں۔