لیو ان:منوج ساہنی نے سرسوتی کو قتل کیا پھر لاش کے کئی ٹکڑے کردیے, گرفتار

ممبئی: ا ممبئی میں شردھا جیسا واقعہ پیش آیا جہاں منوج ساہنی نام کے شخص نے لیو ان ساتھی سرسوتی ویدیہ کو پہلے گلا گھونٹ کر مارڈالا پھر اس کی لاش کے کئی ٹکڑے کردیے ۔
این ڈی ٹی وی کی خبر کے مطابق بدھ کی شام ایک 56 سالہ شخص کو مبینہ طور پر اپنی ساتھی کو قتل کرنے اور لاش کے کئی ٹکڑوں میں کاٹنے کے الزام میں گرفتار کیا گیا۔ پولیس حکام نے یہ جانکاری دی۔ مشتبہ شخص کی شناخت منوج ساہنی کے طور پر کی گئی ہے جو سرسوتی ویدیا کے ساتھ میرا روڈ پر آکاش گنگا اپارٹمنٹس میں گزشتہ تین سالوں سے کرائے کے مکان میں رہ رہا تھا۔
بدھ کے روز، نیا نگر پولیس کو آکاش گنگا اپارٹمنٹ کے رہائشیوں سے اطلاع ملی کہ جوڑے کے گھر سے بدبو آ رہی ہے۔ پولیس کی ابتدائی تفتیش میں یہ بات سامنے آئی ہے کہ خاتون کو بے دردی سے قتل کیا گیا ہے۔
این ڈی ٹی وی نے مزید بتایا کہ ممبئی کے ڈی سی پی جینت بجبالے نے کہا کہ پولیس کو میرا روڈ پر آکاش گنگا اپارٹمنٹس کے ایک گھر سے ایک خاتون کی لاش ملی جس کے کئی ٹکڑوں میں کٹے ہوئے تھے۔ مذکورہ گھر میں ایک جوڑا پچھلے تین سالوں سے لیو ان میں رہ رہا تھا۔ ابتدائی تفتیش میں معلوم ہوا ہے کہ خاتون کو گلا کاٹ کر قتل کیا گیا۔ مزید تفتیش جاری ہے۔
واضح رہے اس طرح کے واقعات میں اگر لیو ان ریلیشن شپ میں رہنے والے الگ مذہب کے ہوں تو اسے ‘لوجہاد’کا نام دے کر ایک مخصوص فرقہ کو بدنام کرنے کی مہم چھیڑدی جاتی ہے جیسے آفتاب، شردھا کے معاملے میں ہوا مگر جب دونوں کا تعلق ایک ہی مذہب سے ہو تو وہ پھر عام جرم سمجھ لیا جاتا ہے ۔