کانپور : مرکزی حکومت کی جانب سے لائے گئے ’وقف ترمیمی بل 2024‘ جسے فی الحال جوائنٹ پارلیمنٹری کمیٹی میں بھیج دیا گیا ہے اور اس معاملہ میں جے پی سی کے اجلاس منعقد ہورہے ہیں۔ بل کی سنگینیوں سے شہر کانپور و اطراف کے عوام و خواص کو واقف کرانے اور بل کو یکسر مسترد کرنے کیلئے ملک کی تاریخی وقدیم دینی درسگاہ مدرسہ جامع العلوم جامع مسجد پٹکاپور کے زیر اہتمام ایک روزہ اجلاس بعنوان’’تحفظ اوقاف کانفرنس کا انعقاد 25 اکتوبر کو کیا جا رہا ہے۔ تحفظ اوقاف کانفرنس میں آل انڈیا مسلم پرسنل لاء بورڈ کے صدر مولانا خالد سیف اللہ رحمانی شرکت کریں گے۔
اس سلسلہ میں صحافیوں سے بات کرتے ہوئے کانفرنس کے روح رواں اور مدرسہ جامع العلوم مسجد پٹکاپور کے مہتمم محی الدین تاج خسرو نے بتایا کہ کانفرنس میں آل انڈیا مسلم پرسنل لاء بورڈ کے جنرل سکریٹری مولانا فضل الرحیم مجددی، جامعہ عربیہ ہتھورا باندہ کے ناظم مولانا سید حبیب احمد باندوی، دار العلوم ندوۃ العلماء لکھنؤ کے ناظر عام مولانا سید جعفر مسعود حسنی ندوی اور آل انڈیا مسلم پرسنل لاء بورڈ کے رکن عاملہ مولانا خالد رشید فرنگی محلّی بطور مہمان تشریف لا رہے ہیں۔ انہوں نے بتایا کہ کانفرنس کی تیاریاں تیز کردی گئیں ہیں۔ شہر و اطراف سے کثیر تعداد میں عوام و خواص کے شرکت کو یقینی بنایا جارہا ہے
کانپور میں 25اکتوبر کو تحفظ اوقاف کانفرنس ‘بورڈ کے کئی ذمہ داروں کی آمد متوقع
- ٹرینڈنگ
- تبصرے
- تازہ ترین
روزنامہ خبریں مفاد عامہ ‘ جمہوری اقدار وآئین کی پاسداری کا پابند ہے۔ اس نے مختصر مدت میں ہی سنجیدہ رویے‘غیر جانبدارانہ پالیسی ‘ملک و ملت کے مسائل معروضی انداز میں ابھارنے اور خبروں و تجزیوں کے اعلی معیار کی بدولت سماج کے ہر طبقہ میں اپنی جگہ بنالی۔ اب روزنامہ خبریں نے حالات کے تقاضوں کے تحت اردو کے ساتھ ہندی میں24x7کے ڈائمنگ ویب سائٹ شروع کی ہے۔ ہمیں یقین ہے کہ یہ آپ کی توقعات پر پوری اترے گی۔