لکھنؤ:این سی ای آر ٹی کے خطوط پر نصاب کو دارالحکومت سمیت ریاست کے تمام مدارس میں نئے تعلیمی سیشن 2025-26 سے لاگو کر دیا گیا ہے۔ مدارس میں پڑھنے والے بچوں کو اس سیشن سے پہلی سے تیسری جماعت تک کی NCERT کی کتابیں دی جائیں گی۔ اس سلسلے میں مدرسہ ایجوکیشن کونسل کی جانب سے حکم نامہ جاری کیا گیا ہے۔
اس سال سے بیسک ایجوکیشن کونسل کی طرز پر تمام مدارس میں بچوں کو این سی ای آر ٹی کی کتابیں دی جائیں گی۔ اس سلسلے میں مدرسہ بورڈ کی طرف سے جاری کردہ ایک حکم نامے میں کہا گیا ہے کہ بنیادی تعلیم کا محکمہ اپنے اسکولوں میں این سی ای آر ٹی کے نصاب کو مرحلہ وار نافذ کر رہا ہے۔ اسی طرح این سی ای آر ٹی کا نصاب ریاست کے تسلیم شدہ سرکاری امداد یافتہ مدارس میں مرحلہ وار لاگو کیا گیا ہے۔
امر اجالا نے اپنی رپورٹ میں بتایا کہ مدارس میں NCERT نصاب کو نافذ کرنے کا مقصد قومی تعلیمی پالیسی 2020 کے تحت پرائمری سطح کی تعلیم میں یکسانیت لانا ہے۔ یہ نظام بنیادی تعلیم کی طرح مدارس میں بھی لاگو کیا جائے گا، رجسٹرار آر ہی سنگھ نے کہا تعلیمی سیشن 2023-24 سے، مدارس میں پہلی سے آٹھویں جماعت تک NCERTکا نصاب لاگو ہوگا۔ اب جس طرح سرکاری اسکولوں میں پہلی سے تیسری جماعت تک این سی ای آر ٹی کا نصاب لاگو کیا گیا ہے، وہی نظام مدارس میں بھی لاگو کیا جارہا ہے۔ –
یوپی کے تمام مدارس میں NCERT کا نصاب نافذ، مدرسہ شکشا پریشد نے جاری کیا حکم
قارئین سے ایک گزارش
سچ کے ساتھ آزاد میڈیا وقت کی اہم ضرورت ہےـ روزنامہ خبریں سخت ترین چیلنجوں کے سایے میں گزشتہ دس سال سے یہ خدمت انجام دے رہا ہے۔ اردو، ہندی ویب سائٹ کے ساتھ یو ٹیوب چینل بھی۔ جلد انگریزی پورٹل شروع کرنے کا منصوبہ ہے۔ یہ کاز عوامی تعاون کے بغیر نہیں ہوسکتا۔ اسے جاری رکھنے کے لیے ہمیں آپ کے تعاون کی ضرورت ہے۔
- ٹرینڈنگ
- تبصرے
- تازہ ترین
روزنامہ خبریں مفاد عامہ ‘ جمہوری اقدار وآئین کی پاسداری کا پابند ہے۔ اس نے مختصر مدت میں ہی سنجیدہ رویے‘غیر جانبدارانہ پالیسی ‘ملک و ملت کے مسائل معروضی انداز میں ابھارنے اور خبروں و تجزیوں کے اعلی معیار کی بدولت سماج کے ہر طبقہ میں اپنی جگہ بنالی۔ اب روزنامہ خبریں نے حالات کے تقاضوں کے تحت اردو کے ساتھ ہندی میں24x7کے ڈائمنگ ویب سائٹ شروع کی ہے۔ ہمیں یقین ہے کہ یہ آپ کی توقعات پر پوری اترے گی۔
