کرناٹک کے بیلگاوی ضلع کے سانتی بستاواد گاؤں میں پیر کی صبح اس وقت کشیدگی پھیل گئی جب ایک مسجد میں رکھے گئے قرآن پاک اور حدیث کے تین نسخے قریبی کھیت میں جلے ہوئے پائے گیے معاملہ کی حساسیت اور نزاکت کو دیکھتے ہوئےپولیس نے تحقیقات شروع کی۔
اس واقعہ کے بعد مسلم نوجوانوں اور کمیونٹی کے لوگوں کی ایک بڑی تعداد نے پولس حکام کے سامنے احتجاج کیا، دو دن کے اندر مجرموں کی فوری گرفتاری کا مطالبہ کیا اور ماضی میں ہونے والے اسی طرح کے واقعات میں جہاں کوئی گرفتاری نہیں ہوئی، میں پولیس کی بے عملی کا الزام لگایا۔سیکڑوں لوگ اکٹھے ہوئے اور سانتی بستواد سے رانی چننما سرکل تک مارچ کیا، جو 8 کلومیٹر کا فاصلہ طے کرتے ہوئے ’’بھارت ماتا کی جئے‘‘ کے نعرے لگا رہے تھے۔
چنمما سرکل میں ایک کشیدہ صورتحال پیدا ہوگئی، حکام نے احتیاط کے طور پر علاقے کی طرف جانے والی سڑکوں کو بند کرنے پر مجبور کیا۔ تقریباً ایک گھنٹے تک جاری رہنے والے احتجاج کے نتیجے میں متعدد رابطہ راستوں پر ٹریفک جام ہوگیا۔
ایک سینئر پولیس افسر کے مطابق، اتوار کی رات مبینہ طور پر کچھ شرپسند ایک زیر تعمیر مذہبی عمارت میں داخل ہوئے اور گراؤنڈ فلور پر رکھی تین مذہبی کتابیں لے گئے، جہاں نماز ادا کی جاتی ہے۔انہوں نے مزید کہا کہ جب لوگ پیر کی صبح نماز کے لیے پہنچے تو انھوں نے دیکھا کہ مذہبی نسخے غائب ہیں اور انھیں تلاش کرنا شروع کر دیا، آخر کار 200 میٹر کے فاصلے پر ایک کھیت میں جلی حالت میں نسخے ملے۔ واقعے کے بعد تمام کمیونٹی کے رہنماؤں پر مشتمل ایک امن اجلاس منعقد کیا گیا جس میں ملزمان کی فوری گرفتاری کا مطالبہ کیا گیا۔ بیلگاوی کے پولس کمشنر آئیڈا مارٹن اور ڈی سی پی (امن و قانون) روہن جگدیش موقع پر پہنچ گئے اور صورتحال کو مزید بگڑنے سے روکنے کے لیے پولیس کی بھاری نفری تعینات کی۔ کمشنر نے پی ٹی آئی کو بتایا کہ دیہی پولیس اسٹیشن نے ایک کیس درج کیا ہے، اور مجرموں کی شناخت اور ان کی گرفتاری کے لیے ٹیمیں تشکیل دی گئی ہیں۔اس سے قبل، 22 فروری کو ایک ہندو لڑکی کے ایک مسلم نوجوان کے ساتھ فرار ہونے کے بعد فرقہ وارانہ کشیدگی نے اپنی لپیٹ میں لے لیا تھا۔
