میڈیا ٹرائل پر سوال،کیا اتنے بڑے کر وز میں صرف آرین گھوم رہا تھا

نئی دہلی :(ایجنسی)

شاہ رخ خان کے بیٹے آرین خان کو منشیات کیس میں گرفتار کیا گیا ہے۔ اس معاملے میں پیر کو ہوئی سماعت میں آرین خان کو ضمانت نہیں ملی،بلکہ آرین کی کسٹڈی میں 7 اکتوبر تک توسیع کر دی گئی۔ اس مشکل وقت میں بالی ووڈ کے مشہور شخصیات شاہ رخ خان کو اپنا مکمل تعاون دے رہے ہیں۔ سلمان خان ، پوجا بھٹہ ، الویرا خان جیسے تمام ستاروں کے بعد اب سپر اسٹار سنگرمیکا سنگھ بھی شاہ رخ خان کے بیٹے آرین خان کی حمایت میں سامنے آئے ہیں۔

منشیات کے معاملے پر طنز کرتے ہوئے میکا سنگھ نے اپنے ٹوئٹر ہینڈل پر ایک پوسٹ لکھا،میکانے لکھا :’’ وہ کتنا خوبصورت کورڈیلیا کروز ہے ۔ کاش میں وہاں گیا ہوتا۔ میں نے سنا ہے کہ وہاں بہت سارے لوگ تھے، لیکن میں آرین خان کے علاوہ کسی کو نہیں دیکھ سکا۔ اتنے بڑےکروز میں صرف آرین گھوم رہا تھا کیا، حد ہے ۔‘‘

بتادیں کہ پوجا بھٹ نے بھی گزشتہ روز شاہ رخ خان کی حمایت میں ایک پوسٹ لکھی تھیں۔ پوجا بھٹ نے اپنے ٹوئٹر ہینڈل پر شاہ رخ کی ہمت بڑھاتے ہوئے لکھاتھا :’ میں آپ کےساتھ کھڑی ہوں، شاہ رخ ، اس لئے نہیں کیونکہ آپ کو اس کی ضرورت ہے ، بلکہ اس لئے کیونکہ میں چاہتی ہوں ۔ یہ بھی گزر جائے گا۔

دراصل ممبئی سے گوا جارہے کروز میں ڈرگس پارٹی کی جانکاری کے بعد نارکوٹکس کنٹرول بیورو ( این سی بی) نے وہاں چھاپہ مارا تھا۔ کروز شپ میں این سی بی کی ٹیم مسافر بن کر پہنچی تھی اور پھر ڈرگس پارٹی کا پردہ فاش کیا ۔ اس پارٹی میں بالی ووڈ اداکار شاہ رخ خان کے بیٹے آرین خان بھی موجود تھے، جس کے بعد این سی بی نے ان سے ڈرگس معاملے میں پوچھ گچھ کرنے کے بعد انہیں حراست میں لے لیا تھا۔

این سی بی کا دعویٰ ہے کہ انہیں آرین کے فون سے منشیات کے بارے میں کئی قسم کی معلومات موصول ہوئی ہیں ، جس میں کوڈ نام سے لے کر رقم کے لین دین تک کا ذکر ہے۔ فی الحال آرین 7 اکتوبر تک حراست میں رہیں گے۔