نئی دہلی : (ایجنسی)
گزشتہ پانچ سالوں میں ملک کی 18 سیاسی پارٹیوں نے انتخابات پر 6500 کروڑ روپے خرچ کیے ہیں۔ اس میں سے 3400 کروڑ یا 52.3 فیصد صرف تشہیر پر خرچ کیا گیا۔ 2015 سے 2020 کے انتخابات پر خرچ کرنے والی ان پارٹیوں میں سات قومی جماعتیں اور 11 علاقائی پارٹیاں شامل ہیں۔ یہ بات الیکشن کمیشن میں جمع کرائی گئی سیاسی پارٹیوں کی سالانہ آڈٹ رپورٹوں کے فیکٹ چیکر کے تجزیے میں سامنے آئی ہے۔
سات قومی پارٹیوں میں بی جے پی ، کانگریس ، بی ایس پی ، این سی پی ، سی پی آئی ، سی پی آئی (ایم) اور ٹی ایم سی۔ وہیں علاقائی پارٹیوں میں عام آدمی پارٹی، جنتا دل (یو) جنتادل سیکولر ،اکالی دل ، اے آئی اے ڈی ایم کے ، ڈی ایم کے ،شیوسینا ،لوک جن شکتی پارٹی، وائی ایس آر کانگریس ،تلنگانہ راشٹریہ سمیتی ،سماج وادی پارٹی اور راشٹریہ جنتا دل ۔
رپورٹ کے مطابق گزشتہ پانچ سالوں میں انتخابات میں سب سے زیادہ بی جے پی نے خرچ کیا ہے ۔ کل خرچ کا 56 فیصد (3600کروڑ سے زیادہ) خرچ تنہا بی جے پی نے کیا ہے ۔ اس کے بعد کانگریس آتی ہے ، جس نے 21.41فیصد (1400کروڑ سے زیادہ ) انتخابات پر خرچ کئے ہیں۔ اس سے معلوم ہوتا ہے کہ 18 پارٹیوں کے کل خرچ کا تقریباً 77 فیصد صرف دو پارٹیوں نے خرچ کیا ۔
بی جے پی اور کانگریس کے بعد بڑے فرق پر سماج وادی پارٹی (3.95فیصد)،ڈی ایم کے (3.06فیصد) ، وائی ایس آر کانگریس (2.17فیصد) ، بی ایس پی (2.04فیصد) اور ٹی ایم سی (1.83فیصد ) ہے۔
گزشتہ پانچ سالوں میں بی جے پی نے اپنے کل خرچ میں سے ’اشتہارات اور تشہیر‘ پر 54.87فیصد (2000 کروڑ سے زیادہ ) خرچ کئے ہیں۔ بی جے پی نے ٹرویل پر 15.29فیصد ، امیدواروں کو مالی مدد پر 11.25فیصد اور مورچہ، ریلی اور تحریکوں پر 7.2فیصد خرچ کیا ہے ۔ پانچ سالوں میں کانگریس نے انتخابی مہم کے دوران 40.08٪ فیصد(560 کروڑ) اور انتخابات کے دوران 17.47٪ سفر پر خرچ کیا ہے ۔
