نئی دہلی:(ایجنسی)
کانگریس ورکنگ کمیٹی کی ہفتہ کو پارٹی ہیڈ کوارٹر میں میٹنگ ہوئی، جس میں تنظیمی انتخاب ایک سال کے اندر پورے کرا لینے پر اتفاق ہوئی۔ میٹنگ میں کانگریس صدر سونیا گاندھی نے پارٹی غیرمطمئن لیڈروں پر نشانہ سادھا۔ G-23کے غیر مطمئن لیڈروں کو نصیحت کرتے ہوئے سونیا گاندھی نے کہاکہ میں پارٹی کی کل وقتی صدر ہوں اور مجھ سے بات کرنے کے لیے میڈیا کا سہارا لینے کی ضرورت نہیں ہے۔ سونیا گاندھی نے پٹرول – ڈیزل اور گھریلو گیس سلنڈر کی بڑھتی قیمتوں ، معیشت کی حالت، کسان تحریک اور لکھیم پور کھیری سانحہ کو لے کر مودی سرکار پر بھی نشانہ سادھاو۔ انہوں نے کہاکہ سرکار سب کچھ بیچنے پر آمادہ ہے ۔
سونیا گاندھی نے پارٹی کے اندر ناقدین ،خاص کر ’G-23‘ کی جانب اشارہ کرتےہوئے’ کل وقتی اور فعال کانگریس صدر‘ کےطوپر اپنی حیثیت کوقرار دیا۔ G-23 کے لیڈر طویل عرصہ سے تنظیم میں وسیع تبدیلی اور مؤثر قیادت کے لیے انتخاب کی وکالت کررہے ہیں ۔
