مظفرنگر (ایجنسی)
آل انڈیا مجلس اتحاد المسلمین کے قومی صدر اسد الدین اویسی اتر پردیش کے مظفر نگر کے کے بجھیری میں سروٹ واقع پیٹھ میدان میں منعقد ایک جلسہ عام کو خطاب کرنے پہنچے۔ یہاں اسدالدین اویسی نے کہاکہ ایس پی، بی ایس پی ،آرایل ڈی اور کانگریس نے مسلمانوں کو ووٹ بینک کی طرح استعمال کیاہے ۔
انہوں نے کہا کہ مسلمانوں کے ساتھ ہمیشہ ناانصافی ہوئی ہے۔ اب اگر مسلمان کچھ حاصل کرنا چاہتے ہیں تو انہیں اقتدار اور سیاست حاصل کرنی ہوگی۔ انہوں نے کہا کہ جس سماج کے پاس ان کا لیڈر نہیں ہوتا انہیں انصاف نہیں ملتا۔
مظفر نگر میں آل انڈیا مجلس اتحاد المسلمین کے ڈائس سے خطاب کرتے ہوئے اسد الدین اویسی نے کہا کہ تمام سیاسی پارٹیاں مسلمانوں کو اپنے ووٹ بینک کے طور پر استعمال کرتی رہی ہیں۔ اگر ایس پی مسلمانوں کی ہمدرد تھی تو مظفر نگر فساد کے وقت 70 سے زیادہ مسلم ایم ایل اے ہوتےہوئے بھی ا نصاف کیوں نہیں دلا پائے؟
بجھیری پھاٹک کے نزدیک کانفرنس میں اویسی نے کہاکہ مسلمانوںکے ساتھ ہمیشہ نا انصافی ہوئی ہے ۔ کہاکہ مجلس یوپی میں انتخاب لڑے گی ۔ مسلمانوںکو اگرکچھ حاصل کرنا ہے تو سیاسی طاقت حاصل کرنی ہوگی ۔ یہ زندگی اورموت کاالیکشن ہے۔ مرکز ی سرکار پر سیاسی حملہ کرتےہوئے کہاکہ اگراین آر سی لاگو کی تو وہ مظفر نگر آکر احتجاج کریں گے ۔
