بنگلور :(ایجنسی)
حال ہی میں بنگلہ دیش میں ہندوؤں پر ہوئے حملے پر آر ایس ایس کا بیان سامنے آیا ہے۔ کرناٹک کے دھارواڑ میں راشٹریہ سویم سیوک سنگھ کی آل انڈیا ایگزیکٹو کمیٹی کے تین روزہ اجلاس میں ہندوؤں پر ہوئے حملے کو سازش قرار دیا گیا۔ آر ایس ایس کا کہنا ہے کہ بنگلہ دیش میں اقلیتوں کا صفایا کرنے اور انہیں بے دخل کرنے کی کوششیں کی جا رہی ہیں۔ ہندوؤں پر حملہ ایک سوچی سمجھی سازش کے تحت کیا گیاتھا۔ جان بوجھ کر فرضی خبریں پھیلائی گئیں اور مذہبی تصادم پیدا کیا گیاتھا۔ آر ایس ایس نے اقوام متحدہ اور انسانی حقوق کمیشن پر دوہرا معیار اپنانے کا الزام لگایا۔ آر ایس ایس کا کہنا ہے کہ بنگلہ دیش میں ہندوؤں پر ہوئے حملے پر اقوام متحدہ خاموش رہا۔
آر ایس ایس کی آل انڈیا ایگزیکٹو کمیٹی کے اجلاس میں قرارداد منظور کرتے ہوئے جوائنٹ جنرل سکریٹری ارون کمار نے کہا کہ سنگھ کی مانگ ہے کہ بنگلہ دیش میں ہندوؤں پر ہوئے حملوں کی جانچ کی جائےاوراس میں جو بھی قصور وار ہے اس کے خلاف سخت سے سخت کارروائی ہو۔ انہوںنے کہاکہ ہم مرکزی حکومت سے مانگ کرتے ہیں دنیا میں آباد ہندوؤں کی حفاظت کےلیے وہ قدم اٹھائے اوربنگلہ دیش سرکار سے بھی اس تعلق سے بتا کرے۔
