نئی دہلی : (ایجنسی)
دہلی کی ایک عدالت نے پاپولر فرنٹ آف انڈیا کی پٹیشن پر ری پبلک ٹی وی ،اس کے سی او ارنب گوسوامی اور ایڈیٹر انیتاپائے ورما کو سمن بھیجا ہے ۔ پٹیشن میں الزام لگایا ہے کہ ٹی وی چینل نے 23 ستمبر کو آسام کے ضلع درنگ میں بے دخلی مہم کی مخالفت کررہے مسلمانو ںپر پولیس کی بربریت سے متعلق پی ایف آئی کےخلاف ’مبنی بر توہین‘ اور جھوٹا بے بنیاد مواد نشر کیا۔ 27 ستمبرکو ری پبلک ٹی وی نے ’درنگ فائرنگ‘ :پی ایف آئی لنک کے ساتھ دو گرفتار‘‘جیسی سرخیاں لگائیں۔ آسام تشدد دو پی ایف آئی کے افراد گرفتار، پی ایف آئی کے لوگوںپر سازش کاالزام….. پولیس نے دو پی ایف آئی کارکنوں محمد عصمت علی اور محمد چاند محمود کوگرفتار کیا ہے ۔
پی ایف آئی نے 30 ستمبر کو ری پبلک ٹی وی کو قانونی نوٹس بھیج کر ان کی جھوٹی اور من گھڑت خبروں ؍ رپورٹنگ ؍ٹیلی کاسٹ کے لیے غیر مشروط معافی مانگنے کو کہا، لیکن اسے چینل کی طرف سے کوئی جواب نہیں ملا، پھر پی ایف آئی نے 23 اکتوبرکو سول جج ساکیت کورٹ دہلی کے سامنے اپنے پی آر ڈائریکٹر سلیم شیخ کے توسط سے ہتک عزت کامقدمہ دائر کیا۔28 اکتوبر کو اس کی سماعت ہوئی اور عدالت نے مذکورہ افراد کےخلاف نوٹس جاری کردیا۔ اب معاملہ کی اگلی سماعت 3نومبر تک ملتوی کردی۔ عرضی گزار کی طرف سے شکیل عباس ایڈووکیٹ اورایڈووکیٹ آصف علی خاں پیش ہوئے ۔
