ناسک؍ممبئی:(ایجنسی)
اتوار کو مہاراشٹر میں منعقدہ 94 ویں اکھل بھارتیہ مراٹھی ساہتیہ سمیلن میں ایک تنظیم کے مشتبہ کارکنوں نے سینئر صحافی اور مصنف گریش کبیر پر سیاہی پھینک دی۔ نیشنلسٹ کانگریس پارٹی (این سی پی) کے سربراہ شرد پوار اور بھارتیہ جنتا پارٹی کے سینئر لیڈر دیویندر فڈنویس نے اس واقعہ کی شدید مذمت کی۔
انڈین ایکسپریس کی رپورٹ کے مطابق گریش کبیر کی حفاظت کے لیے پولیس اہلکار تعینات کیے گئے ہیں اور اس سلسلے میں دو افراد کو حراست میں لیا گیا ہے۔پولیس کے مطابق ستیش کالے (46 سال) اور راجندر گنڈ (42 سال) کو حراست میں لے لیا گیا ہے۔ دونوں پونے کے رہنے والے اور سنبھاجی بریگیڈ کے کارکن ہیں۔
پولس نے کہا کہ دونوں کو سی آر پی سی سیکشن 151 (قابل سزا جرم کو روکنے کے لیے گرفتاری) کے تحت گرفتار کیا گیا ہے اور پوچھ گچھ کے بعد چھوڑ دیا جائے گا۔ گریش کبیر مراٹھی دینک ’لوک ستہ ‘کے ایڈیٹر ہیں۔ چھترپتی شیواجی مہاراج کے بیٹے چھترپتی سنبھاجی مہاراج کے بارے میں کبیر کی کتاب میں دیے گئے کچھ حوالوں سے سنبھاجی بریگیڈ ناراض ہے۔ بریگیڈ نے ان کی کتاب ‘’رینیسانس اسٹیٹ: دی ان رائٹ ڈیٹ اسٹوری دی مینکنگ آف مہاراشٹر‘ کی تنقید کی ہے ۔
