نئی دہلی(ایجنسی)
جیسا کہ’’روزنامہ خبریں‘‘ نے 16 جنوری 2022 بروز اتوار کو اپنی exclusive رپورٹ میں کہا تھا کہ الیکشن کے بعد کی سیاست میں مدد کے لیے ملائم فیملی کسی کو بی جے پی میں داخل کراسکتے ہیں اور چونکہ اپرنا مودی بھکت ہیں اور یوگی جی کو بھی پہلے سے ہی پسند کرتی ہیں تو ان کو بی جے پی کو جوائن کروایا جاے گا اور ہاتھی کے دانت سامنے آگئے ۔دیش ہت اور دیش کی سیوا کی خاطر ملائم کی چھوٹی بہو اپرنا نے آج بی جے پی کا دامن تھام لیا۔
تفصیلات کےمطابق ملائم سنگھ یادو کی چھوٹی بہو اپرنا یادو (Aparna yadav) نے اتر پردیش کے ڈپٹی سی ایم کیشو پرساد موریہ کی موجودگی میں بی جے پی میں شامل ہوگئیں۔ اس موقع پر کیشو پرساد نے کہا کہ ان کے خیالات ہمیشہ بی جے پی سے ملتے رہے ہیں، اس لیے ہم نے انہیں پارٹی میں شامل کیا۔
نائب وزیر اعلیٰ کیشو پرساد موریہ نے کہاکہ ملائم سنگھ کی چھوٹی بہو ہونے کے باوجود اپرنا یادو نے اپنے خیالات کا اظہار کیا، کئی دنوں کی بحث کے بعد انہوں نے بی جے پی میں شامل ہونے کا فیصلہ کیا۔
!http://یہ بھی پڑھیں:ملائم کا گرین سگنل!چھوٹی بہو بی جے پی میں شامل ہوں گی!!
بی جے پی میں شامل ہوتے ہی اپرنا یادو نے کہا کہ میں ہمیشہ وزیر اعظم مودی جی کی پالیسیوں سے متاثر رہی ہوں، میں نے ہمیشہ بھارتیہ جنتا پارٹی کی روزگار کی پالیسیوں اور خواتین کے لیے کیے گئے کام کی تعریف کی ہے، مجھے خوشی ہے کہ بی جے پی نے مجھے ان کے ساتھ کام کرنے کا موقع دیا ہے۔
اس موقع پر سواتنتر دیو سنگھ نے کہاکہ ‘میں اپرنا یادو جی کو بی جے پی میں خوش آمدید کہتا ہوں، مغربی یوپی میں انتخابات ہونے والے ہیں اور ایس پی کے دور میں غنڈہ گردی کو اتنی اہمیت دی جاتی ہے کہ مغربی یوپی میں کوئی بیٹی محفوظ نہیں ہے۔ اپرنا نے شروع سے ہی محسوس کیا کہ یوگی جی کی حکومت میں اچھی حکمرانی ہے۔ بتا دیں کہ اپرنا اکثر عوامی فورمز سے بی جے پی حکومت کی تعریف کرتی رہی ہیں۔ انتخابات سے عین قبل جہاں بی جے پی کی حلیف جماعت سماج وادی پارٹی کیمپ میں جا رہی ہے، وہیں بی جے پی نے ایس پی کے گھر میں گھس کر ملائم سنگھ کی چھوٹی بہو کو اپنے دربار میں لے لیا ہے۔
