نوئیڈا(ایجنسی)
نوئیڈا ایکسٹینشن میں اتوار کی دیر رات لاؤڈ اسپیکر بند کروانے پر نیوز 18 کے صحافی پر جان لیوا حملے کے معاملے میں پولیس نے کارروائی شروع کر دی ہے۔ نوئیڈا کے پولیس کمشنر نے مناسب طریقے سے ٹویٹ کرکے اس معاملے میں نوٹس لیا ہے۔ انہوں نے کہا ہے کہ لاؤڈ اسپیکر تنازع میں دونوں طرف سے شکایات موصول ہوئی ہیں اور پولیس اس کی تحقیقات کر رہی ہے اور مناسب اقدامات کر رہی ہے۔
نیوز 18کی خبر کے مطابق نوئیڈا کے کمشنر نے کہا ہے کہ اطلاع ملنے پر موقع پر پہنچ کر لاؤڈ اسپیکر کی آواز کو کم کروایا گیا۔ اس کے بعد متاثر صحافی کی جانب سے شکایت موصول ہوئی کہ اسے جان سے مارنے کی دھمکیاں دی گئی ہیں۔ ان کے ساتھ زیادتی ہوئی۔ اس سلسلے میں پولیس نے ویڈیو فوٹیج کا جائزہ لیا ہے۔ لیکن اس سے صورتحال واضح نہیں ہوئی جس کی وجہ سے منتظمین اور دیگر سے بھی پوچھ گچھ کی جارہی ہے۔
دراصل یہ واقعہ اتوار کی رات کا ہے۔ یہاں نیوز 18 کے صحافی پر صرف اس لیے حملہ کرنے کی کوشش کی گئی کیونکہ کہ وہ دیر رات سوسائٹی میں جاگراتے کے نام پر بج رہا لاؤڈ اسپیکر بند کروانے گئے تھے۔ اس دوران پولیس اہلکار بھی وہاں موجود تھے اور بھیڑ نے ان کی پرواہ نہ کرتے ہوئے حملہ کر دیا اور انہیں جان بچانے کیلئے موقع سے بھاگنا پڑا۔ اس دوران لوگوں کی بڑی تعداد کافی دور تک اس کا پیچھا کرتی رہی لیکن جب وہ اپنے گھر کے قریب پہنچا اور وہاں موجود بندوق بردار سے مدد مانگی اور ساتھ ہی شور مچا کر پڑوسیوں کو بلایا تو بھیڑ پیچھے ہٹ گئی۔ حالانکہ، اس سے قبل ان کے ساتھ دھکا مکی کی گئی اور ان کے کنبے کو مارنے کے ساتھ ہی برہنہ کرکے گھمانی کی بھی دھمکی دی گئی۔
