یوگی سرکار کو انسانوں کی نہیں گایوں کی فکر

لکھنؤ :
ملک بھر میں ایک طرف جہاں کووڈ 19-وبا کی دوسری لہر سے انسان دم توڑ رہے ہوں وہیں یوپی کے وزیر اعلیٰ یوگی آدتیہ ناتھ نے افسران کو ایک گئو رکشا ہیلپ ڈسک قائم کرنے کا حکم دیا ہے۔ سرکار کی جانب سے جاری حکم میں کہا گیا ہے کہ گئو شالوں میں کووڈ 19-پروٹوکول کا سختی سے عمل کیاجانا چاہئے۔ ساتھ ہی ماسک لگانے اور بار بار تھرمل اسکرینگ کرنے کا بھی حکم جاری کیا گیا ہے۔
افسران کو سخت ہدایت دی گئی ہے کہ گئو شالوں میں گائے اور دیگر جانوروں کے لیے تمام طبی آلات ، آکسی میٹر، تھرمل اسکینر وغیرہ کی ہر وقت دستیابی یقینی بنایاجائے ۔ سرکاری ترجمان کے مطابق بڑی تعداد میں بے سہارا گایوں کو بھی گئوشالوں میں پناہ دیا جارہاہے۔ سرکار آوارہ جانوروں کی تعداد بھی تیزی سے بڑھا رہی ہے۔ حالانکہ اپوزیشن کا کہنا ہے کہ یوگی سرکار اپنے گئو رکشا ایجنڈے کو پھر آگے بڑھا رہی ہے۔
ریاست میں فی الحال 5,268زیادہ گئو رکشا کیندر ہیں۔ ان میں 5,73417ج انوروں کی دیکھ بھال کی جاتی ہے۔ تقریباً 4,64311گایوں کو 4,529عارضی گائے پناہ گاہ میں رکھا گیا ہے۔ یہ گرامین اور شہری دونوں جگہوں میں ہیں۔ ان میں 40,640 گائیں، 161کنہ گئوشالوں میں اور 10727گائے 407 کانجی گھروں میں ہیں۔ اس کے علاوہ ریاست میں 171بڑے گائے تحفظ مراکز بنائے گئے ہیں ، جن میں 57,639 گائے کو پناہ فراہم کی جاتی ہے۔