اننت ناگ میں دہشتگرد گردوں سے مڈبھیڑ میں کرنل،میجراور ڈی ایس پی شہید

سری نگر: جموں و کشمیر کے اننت ناگ (جموں-کشمیر انکاؤنٹر) سے بڑی خبر آرہی ہے۔ جنوبی کشمیر کے اننت ناگ ضلع میں تلاشی آپریشن کے دوران دہشت گردوں نے سیکورٹی فورسز پر حملہ کیا۔ این ڈی ٹی وی نے بتایا کہ موصولہ اطلاعات کے مطابق انکاؤنٹر میں کرنل من پریت سنگھ، میجر آشیش دھونچک اور ڈی ایس پی ہمایوں شہید ہو گئے ہیں۔ کوکرناگ علاقے کے گھنے جنگلات میں دہشت گردوں کی شدید فائرنگ کے درمیان شہید ڈی ایس پی کی لاش برآمد ہوئی ہے۔
فوج کے 15 کور کمانڈر لیفٹیننٹ جنرل راجیو گھئی، جموں و کشمیر پولیس کے ڈائریکٹر جنرل دلباغ سنگھ اور کئی افسران آپریشن کی نگرانی اور شہیدوں کی لاشوں کو واپس لانے اور زخمی فوجیوں کو بچانے کے لیے انکاؤنٹر کے مقام پر پہنچ گئے ہیں۔ خبر رساں ایجنسی پی ٹی آئی کی رپورٹ کے مطابق سیکورٹی فورسز کو علاقے میں 3-4 دہشت گردوں کے چھپے ہونے کی اطلاع ملی تھی۔ اس کے بعد وہاں سرچ آپریشن کیا گیا۔ چھاپے کے دوران دہشت گردوں نے سیکورٹی فورسز پر فائرنگ کردی جس کے بعد مقابلہ شروع ہوگیا۔
راجوری میں بھی آپریشن جاری. .
گزشتہ 24 گھنٹوں میں جموں و کشمیر میں دہشت گردوں کے ساتھ سیکورٹی فورسز کا یہ دوسرا انکاؤنٹر ہے۔ قبل ازیں راجوری ضلع میں دہشت گردوں کے ساتھ تصادم کے دوران ایک فوجی جوان شہید ہو گیا تھا۔ جبکہ 3 فوجی زخمی ہوئے۔ اس مقابلے میں سیکورٹی فورسز نے 2 دہشت گردوں کو بھی مارگرایا
ذرائع کا کہنا ہے کہ دہشت گردوں کی موجودگی کی مخصوص اطلاع ملنے کے بعد منگل کی رات گئے فوج اور پولیس نے مشترکہ سرچ آپریشن شروع کیا۔ جموں و کشمیر پولیس کے کمانڈنگ آفیسر اور ڈی ایس پی کی قیادت میں فوجیوں پر فائرنگ کی گئی۔ ذرائع نے بتایا کہ سیکورٹی فورسز کو فوری طور پر علاقے میں بھیج دیا گیا۔