بی جے پی کی آسام میں جیت ،بنگال میں ہار کا سبب ہندو ووٹ: سوپن گپتا

سوپن داس گپتا نے دی ٹائمز آف انڈیا میں لکھا ہے کہ کووڈ -19 وبا کی وجہ سے اسمبلی انتخابی نتائج پر جتنی بحث ہونی چاہئے تھی ،نہیں ہو سکی۔ مغربی بنگال میں آخری تین مراحل کے انتخابات میں ووٹنگ کم ہوئی اور خاص کر شہری علاقوں میں کم ووٹ پڑے۔ یہ بات اہم ہے کہ چاہے بنگال ہو یا پھر آسام موجودہ حکومتیں دوبارہ جیت کر اقتدار میں آئیں۔ دونوں ہی ریاست میں ووٹروں کی پولرائزیشن ہوئی۔ آسام میں بی جے پی کی زیرقیادت اتحاد کو 44.5 فیصد ووٹ ملے جبکہ کانگریس کے زیرقیادت اتحاد نے 43.3 فیصد ووٹ حاصل کیے۔ بنگال میں ، فرق 9.8 فیصد رہا۔
سوپن داس گپتا نے سی ایس ڈی ایس- لوک نیتی سروے کے حوالے سے لکھا ہے کہ 2019 کے لوک سبھا انتخابات میں 70 فیصد مسلمانوں نے ممتا کو ووٹ دیا تھاجو 2021 میں بڑھ کر 75 فیصد ہو گیا۔ وہیں 50 فیصد ہندو ووٹروں نے بی جے پی کو پسند کیا ، جبکہ 39 فیصد ہندو ممتا کے حق میں تھے۔
آسام میں مسلم کمیونٹی کے 81 فیصد نے مہاجوت کو ووٹ کیا۔ آسام میں این ڈی اے کو 11 فیصد مسلم حمایت ملی۔ آسام میں مہاجوت کے لئے مسلمانوں کی حمایت اتنی ہی تھی جتنی ممتا بنرجی کے لیے بنگال میں۔ آسام میں 67 فیصد ہندو بی جے پی کے ساتھ رہے ، وہیں مہاجوت کے حق میں 19 فیصد ہندو ہی رہ سکے۔ مختصر یہ کہ آسام میں بی جے پی کی جیت اور بنگال میں شکست کی وجہ ایک ہے۔ یہ ہے ہندوؤں کا پولرائزیشن ۔
(بشکریہ دی ٹائمز آف انڈیا)