خوشخبری! اعظم خان کی صحت میں مستقل بہتری

‏‏‎ ‎‏‏‎ ‎|‏‏‎ ‎‏‏‎ ‎ خبریں

لکھنؤ:
سماج وادی پارٹی کے رام پور سے ممبر پارلیمنٹ اعظم خان کی صحت آہستہ آہستہ بہتر ہورہی ہے۔ اعظم خان لکھنؤ کے میندانتااسپتال میں زیر علاج ہیں، جہاں انہیں آئی سی یو میں رکھا گیا ہے۔ سیتا پور جیل میں جانچ کے دوران اعظم خان اور ان کے بیٹے عبداللہ اعظم کووڈمیں مبتلا پائے گئے تھے۔ اعظم خان کی طبیعت بگڑنے پر انہیں بیٹے سمیت لکھنؤ کے میدانتا اسپتال میں بھرتی کرایا گیاتھا۔
سیتا پور جیل میں بند سماج وادی پارٹی ممبر پارلیمنٹ اعظم خاں اور ان کے بیٹے عبداللہ اعظم 30 اپریل کو کووڈ 19-جانچ میں کووڈ متاثرپائے گئے تھے۔ اعظم خاں کو سانس لینے میں تکلیف کی وجہ سے 9 مئی کو سیتا پور جیل سے لکھنؤ کے میدانتا اسپتال میں ان کے بیٹے سمیت شفٹ کیا گیا تھا۔
اسپتال میں داخل ہونے کے بعد اعظم خان کو آکسیجن لیول کم ہونے کی شکایت ہوئی تھی، جس کے بعد انہیں آئی سی یو میں شفٹ کرکے آکسیجن پررکھا گیاتھا۔ اسپتال بلیٹن کے مطابق اعظم خان کی صحت اب آہستہ آہستہ بہتر ہورہی ہے اور ان کی حالت مستحکم ہے۔ اب اعظم خان کو آکسیجن سپورٹ کی بھی ضرورت نہیں پڑ رہی ہے۔ ان کے بیٹے عبداللہ اعظم کی صحت مستحکم ہے اور انفیکشن میں بھی سدھار آیا ہے۔
جب اعظم خان میدانتا اسپتال میں بھرتی ہوئے تھے تب ان کو 4 سے 5 لیٹر آکسیجن کی فی گھنٹہ ضرورت پڑ رہی تھی۔ ان کے پھیپھڑوں میں کووڈ نمونیا پایا گیا تھا ، دو دن میں جب ان کی شدت اور بیماری میں اضافہ ہوا تو ان کی آکسیجن کی ضرورت بڑھ گئی تھی۔ جس کی وجہ سے ان کو کووڈ وارڈ کے آئی سی یو میں شفٹ کرانا پڑا تھا۔ حالانکہ اب آہستہ آہستہ ان کے صحت میں بہتری آرہی ہے اور وہ مستحکم ہیں۔
میدانتا میں اعظم خان کا علاج ، سیویئر انفیکشن ڈیجز پروٹوکول کے تحت کرٹیکل کیئر ٹیم کے ڈاکٹروں کی سخت نگرانی میں چل رہا ہے۔ ایس پی کے سربراہ اکھلیش یادو بھی اعظم خان کے علاج پر نگرانی کر رہے ہیں۔ اکھلیش یادو اعظم خان کی صحت سے متعلق معلومات حاصل کرنے میدانتا پہنچے تھے جہاں وہ اعظم خاں کی دیکھ ریکھ کررہی ڈاکٹروں کی ٹیم سے ملے تھے۔
اعظم خان اور ان کا بیٹا عبد اللہ اعظم گزشتہ 14 ماہ سے سیتا پور جیل میں بند ہیں۔ اعظم خان اپنے بیٹے کے ساتھ فروری 2020 سے ہی ضلع جیل سیتا پور میں اراضی پر قبضہ ، تجاوزات اور دیگر سنگین مجرمانہ مقدمات میں بند ہے۔ ان کی اہلیہ رام پورصدر سے ایم ایل اے ڈاکٹر تزئین فاطمہ کو دسمبر 2020 میں عدالت نے ضمانت دے دی تھی۔

قارئین سے ایک گزارش

سچ کے ساتھ آزاد میڈیا وقت کی اہم ضرورت ہےـ روزنامہ خبریں سخت ترین چیلنجوں کے سایے میں گزشتہ دس سال سے یہ خدمت انجام دے رہا ہے۔ اردو، ہندی ویب سائٹ کے ساتھ یو ٹیوب چینل بھی۔ جلد انگریزی پورٹل شروع کرنے کا منصوبہ ہے۔ یہ کاز عوامی تعاون کے بغیر نہیں ہوسکتا۔ اسے جاری رکھنے کے لیے ہمیں آپ کے تعاون کی ضرورت ہے۔