آن لائن نیوز پبلشرز کو نئی گائڈ لائنس پر عمل آوری کیلئے15دن کی مہلت

نئی دہلی:
ڈیجیٹل میڈیا پلیٹ فارمز اور او ٹی ٹی پلیٹ فارم کو بدھ سے نافذ ہونے والے نئے ڈیجیٹل میڈیا گائڈلائنس کی تعمیل کے بارے میں حکومت 15 دن کا وقت دیاہے۔ نئے قوانین۔ ڈیجیٹل مواد کو ریگولیٹ کرنے کے لئے ایک ضابط اخلاق اور ایک تین سطحی شکایت کے ازالے کا فریم ورک متعارف کیا گیا ہے ۔
ان میں بھارت میں واقع تعمیل افسران کی تقرری، شکایت حل، قابل اعتراض مواد کی نگرانی ، تعمیل رپورٹ اور قابل اعتراض مواد کو ہٹانا شامل ہیں۔ یہ قدم وزارت الیکٹرانکس اور انفارمیشن ٹیکنالوجی کے ٹھیک ایسے ہی نوٹس کے ایک دن بعد آیا ہے جس میں سوشل میڈیا پلیٹ سے نئے قوانین کے تحت معلومات مانگی گئی تھیں۔ اوٹی ٹی وزرات نے کہاتھاکہ جتنا جلد ہو سکے یہ جانکاری دی جائے۔
نئے ضوابط کے تحت وزارت اطلاعات ونشریات نے کمپنی کا نام ، ڈائریکٹر کا نام ، پتہ، فون نمبر ، شکایت کے ازالہ کرنے والے افسر ، خود ضابطہ نظام وغیرہ کے بارے میں معلومات مانگی کی گئیں ہیں۔ وزارت کے مطابق ابھی تک 60 کے قریب ڈیجیٹل نیوز پلیٹ فارمز نے بتایا ہے کہ انہوں نے نئے ضوابط کے تحت سیلف ریگولیشن ادارہ بنانا شروع کردیا ہے ۔ کچھ پبلشروں نے وزارت کو نئے ضوابط کے تحت رجسٹریشن کے لیےلکھا ہے ۔
وزارت اطلاعات ونشریات نے ڈیجیٹل میڈیا پلیٹ فارم کو تین قسموں میں تقسیم کیا ہے۔ پہلی قسم ان روایتی پبلشرز کی ہے جو اپنے اخبار یا ٹی وی کے علاوہ ڈیجیٹل میڈیم میں خبریں دیتے ہیں۔ دوسری قسم ڈیجیٹل نیوز پبلشرز کی ہے۔ تیسری قسم اوور دی او ٹی ٹی پلیٹ فارم کی بنائی گئی ہے جوڈیجیٹل ذرائع سے تفریحی یا دوسری جانکاریاں دیتی ہیں۔
پہلے زمرے کے پبلشروں سے بنیادی اطلاعات جیسے نام ،یو آر ایل ، زبان ، ایپ، سوشل میڈیا اکاؤنٹ کی معلومات مانگی گئی ہیں۔ ساتھ ہی انہیں ٹی وی چینل کی اجازت یا اخبار کا آر این آئی رجسٹریشن نمبر ، کنٹیکٹ کی اطلاع وشکایت کے ازالہ کرنے کے طریقہ کار کے بارے میں بتاناہوگا۔

دوسری قسم میں بھی تقریباً یہی معلومات مانگ کی گئیں ، لیکن اس میں کمپنی کا آئڈینٹی کیشن اور بورڈ آف ڈائریکٹر ز کی جانکاری بھی مانگی گئی ہے اگر کمپنیاں ہیں تو ۔

تیسری قسم میں بھی ، نام ، پتہ ، یو آر ایل ، ایپ کا نام وغیرہ پوچھا گیا ہے۔ غیر ملکی او ٹی ٹی کے معاملوں میں رجسٹریشن کا ملک بتانا ہوگا اور بھارت میں کس دن سے کام شروع کیا یہ بھی بتانا ہوگا۔ او ٹی ٹی کو بھی شکایت کے ازالے کے نظام کے بارے میں بھی معلومات دینا ہوگی جس میں مشموکنٹیکٹ منیجر کے نام کا بھی ذکر کرنا ہو گا۔

اہم بات یہ ہے کہ متعدد ڈیجیٹل پبلشروں نے مختلف اعلی عدالتوں میں نئے قواعد کو چیلنج کیا ہے۔ ان کی درخواستوں پر نوٹسز جاری کردیئے گئے ہیں۔