نئی دہلی :
سی بی ایس ای 12 ویں بورڈ کے امتحانات کے منتظر طلبا کا انتظار اب ختم ہوچکا ہے۔ اب دسویں کی طرح 12 ویں کا امتحان بھی کینسل کر دیا گیاہے ۔ وزیر اعظم مودی نے اس پر منگل کو ایک طویل میٹنگ کے بعد فیصلہ لیا ہے ۔
کورونا کی دوسری لہر کے بعد تیسری لہر کے خطرے کے درمیان ملک بھر سے طلبہ اور سرپرستوں میں 12 ویں کے امتحانات کرانے کو لے کر ڈر تھا۔ اسے لے کر سی بی ایس ای اور وزارت تعلیم کی جانب سے آج ہی سی بی ایس ای بورڈ کے 12 ویں کے ایگزام کی تاریخوں کااعلان کیاجانا تھا۔ لیکن وزیر تعلیم کی اچانک طبیعت بگڑنے کے بعد ایگزام کولے کر تذتدب بڑھ گیا تھا۔ اس کے بعد پی ایم او کی جانب سے اعلان کیا گیا تھاکہ وزیر اعظم نریندر مودی خود میٹنگ کے بعد ایگزام پر فیصلہ کریں گے۔
