نئی دہلی:
دہلی یونیورسٹی کے قائم مقام وی سی پی سی جوشی نے آج بدھ کے روز کہا کہ ڈی یو کی قریب 70 ہزار سیٹیوں پر داخلہ جولائی کے پہلے ہفتے سے شروع ہو سکتا ہے، دہلی یونیورسٹی میں داخلہ اس سال بھی میرٹ کی بنیاد پر ہی ہوگا۔ سی بی ایس ای یا دوسرے بورڈ جو بھی امتحان نتائج دیں گے اسے میرٹ طے کرسکے داخلے کے عمل شروع کی جائے گی۔ انہوں نے کہاکہ دہلی یونیورسٹی بھارت سرکار کے 12 ویں امتحان نہ کرانے کے فیصلے کے ساتھ ہے۔ سینٹرل یونیورسٹی کامن انٹرنسی ٹیسٹ اگر ہوتے ہیں تو اس کے مطابق ہم چلیں گے۔ لیکن اس سال حالات ایسے نہیں لگ رہے ہیں کہ یہ امتحانات ہوپائے۔ سی بی ایس ای اور ریاستی بورڈ کے نتائج آنے پر ہی دہلی یونیورسٹی میں داخلے کا عمل شروع ہوگا۔
بتادیں کہ کورونا کی وبا کے پیش نظر سی بی ایس ای کے 12 ویں امتحانات ملتوی کردیئے گئے ہیں۔ 12 ویں بورڈ کے امتحان سے متعلق وزیر اعظم نریندر مودی کی میٹنگ میں فیصلہ کیا گیا کہ 12 ویں جماعت کے امتحانات منسوخ کردیئے جائیں۔ بتادیں کہ سی بی ایس ای کے بعد آئی سی ایس ای بورڈ نے بھی 12 ویں کے امتحان منسوخ کردیا ہے۔
کورونا وائرس وبائی بیماری کی وجہ سے زیادہ تر طلبا ، والدین بارہویں کے امتحانات کو منسوخ کرنے کا مطالبہ کر رہے تھے۔ اس فیصلے کے بعد سب کا انتظار ختم ہوگیا۔ وزیر اعظم نریندر مودی نے ٹویٹ کیا ، ’سی بی ایس ای 12 ویں کا امتحان منسوخ کردیا گیا ہے ، طلبا کی ترجیح ہمارے لئے سب سے اہم ہے۔‘
ڈی وی امتحان پہلے ہی ملتوی کرچکاہے
اس سے پہلے کورونا وبا کے پھیلنے کے پیش نظر دہلی یونیورسٹی نے آخری سمسٹر ؍سال کے طلبا کے لیے امتحان 7 جون تک کے لیے ملتوی کردیا تھا۔ ایگزام 15 مئی سے ہونے والے تھے۔ حالانکہ قومی راجدھانی میں بڑھتے کووڈ19-معاملے کی وجہ سے ایگزام ملتوی کردیا گیا۔یونیورسٹی نے ایک بیان میں کہا تھا کہ وہ جلد ہی نئی ڈیٹ شٹ جاری کرے گا۔ بیان میں کہا گیا تھا ، ’ نئی ڈیٹ شٹ جلد ہی جاری کی جائے گی اور دہلی یونیورسٹی کی ویب سائٹ پر دستیاب ہوگی۔ مئی؍جون 2021 کے امتحانات سے متعلق تفصیلی ہدایت نامہ مقررہ وقت پر جاری کیے جائیں گے۔‘ بتادیں کہ کورونا وائرس کی وجہ سے ، امتحان آن لائن اور اوپن بک فارمیٹ میں لیا جائے گا۔
