یوپی کی یونیورسٹیوں میں فلاسفر یوگی اور رام دیو کی کتابیں پڑھائی جائیں گی

لکھنؤ :
نئی ​​قومی تعلیم پالیسی کے نفاذ کے بارے میں قائم اترپردیش کی ایک کمیٹی نے سفارش کی ہے کہ پوری ریاست کی یونیورسٹی میں فلسفے طلبا کو ریاست کے وزیر اعلیٰ یوگی آدتیہ ناتھ اور یوگا گرو بابا رام کی لکھی کتابیں پڑھائیں جائیں۔
میرٹھ میں ریاستی حکومت کے زیرانتظام چودھری چرن سنگھ یونیورسٹی (سی سی ایس یو) پہلے ہی ان کتابوں کو اپنے نصاب میں شامل کرچکی ہے۔
آدتیہ ناتھ کا ہتھا یوگا کی شکل اور عمل اور بابا رام دیو کی یوگ سادھنا و یوگ تھراپی اب یونیورسٹی کے دوسرے سمسٹر کے انڈرگریجویٹ فلسفہ نصاب کا حصہ ہوں گے۔
سفارشات میں یہ تجویز کی گئی ہے کہ ان دونوں ہی کتابوں کو فلسفہ کے نصاب کے تحت ان سے وابستہ تمام یونیورسٹیوں اور کالجوں میں پڑھایا جائے۔
یہ سفارشات ایک کمیٹی نے دی ہے ، جس کی ریاستی حکومت نے تشکیل ، نئی تعلیمی پالیسی 2020 کے مطابق ، ’یوپی کے تمام ریاستی یونیورسٹیوں اور کالجوں کے لئے ایک کامن منیمم سلیبس‘ پر غور کرنے کے لئے کی تھی۔ اس کمیٹی نے تمام مضامین کے لئے نصاب تجویز کی ہے ، جس میں آرٹس ، ادب ، انسانیت اور سائنس شامل ہیں۔
یوپی سرکار کی کمیٹی میں اترپردیش ہائیر ایجوکیشن ڈپارٹمنٹ کی ایڈیشنل چیف سکریٹری مونیکا ایس گرگ جو اسٹیئرنگ کمیٹی کی صدر ہے، لکھنؤ یونیورسٹی کےشعبہ طبیعیات سے پروفیسر پونم ٹنڈن اور سی سی ایس یونیورسٹی میرٹھ کے محکمہ شماریات سے پروفیسر ہر ے کرشن کے ساتھ کچھ دیگر بھی شامل ہیں۔

نصاب ترقیاتی کمیٹی کے ایک رکن نے نام ظاہر نہیں کرنےکی شرط پر بتایا کہ کتابوں ان کی ’اعلیٰ ادبی قدر‘ کی وجہ سے منتخب کی گئیں۔
ممبر نے کہا کہ ‘تمام کتابیں ان کی اعلیٰ تعلیمی اور ادبی قدر کے لئے منتخب کی گئیں۔ کچھ پڑھنے کے لیے سفارش کی گئی ہے ، اور کچھ کریڈٹ پر مبنی کورس کا حصہ ہیں۔
سی سی ایس یو میں بورڈ آف اسٹڈیز کے کنوینر ڈی این سنگھ نے بھی اسی طرح کے خیالات کا اظہار کیا۔
سنگھ نے کہا ، ماہر کمیٹی کی سفارش کردہ کتابوں کی تعلیمی قدر بہت زیادہ ہے۔ خاص طور پر آدتیہ ناتھ جی کی کتاب۔ یہ کتاب یوگا کے عملی پہلو کی تعلیم دیتی ہے۔ انہوں نے مزید کہا ، ‘یوگا اور اپنی قدیم سائنس کے بارے میں جاننے کے لیے ، ہمیں ایسے ادب کی ضرورت ہے۔ اسی طرح رام دیو کی کتاب فلسفہ کے طلبا کے لئے بھی ایک اچھا اضافہ ہے ، کیونکہ وہ یوگا گرو ہیں… انہوں نے یوگا کو عوام الناس میں لےکر آئے ہے ‘۔

سنگھ میرٹھ کالج میں فلسفہ کے شعبہ کے سربراہ ہیں

سی سی ایس یو میں فیکلٹی آف آرٹس کے سربراہ پروفیسر نوین چندرا لوہانی نے دی پرنٹ کو بتایا کہ یہ کتابیں صرف سی سی ایس یو میں نہیں ، بلکہ صوبے کی تمام یونیورسٹیوں اور کالجوں میں پڑھائی جائیں گی۔ انھیں نصاب میں شامل کیا گیا ہے ، تاکہ طلبا کو قدیم ثقافتی ورثہ اور فلسفہ سکھایا جاسکے۔