ہولناک: غزہ میں اسرائیل نے انسانی جسم کو تحلیل کر کے بخارات بنانیوالے ہتھیار استعمال کئے

اسرائیل نے انسانی جسم کو تحلیل کر کے بخارات بنانے والے ہتھیار چلادیے‘غزہ میں اسرائیل نے ظلم اور جبر کی ایسی نئی بھیانک تاریخ رقم کردی جس کی ہولناکی سن کر انسانیت کی روح کانپ اٹھے۔ عالمی خبر رساں ادارے کے مطابق غزہ کے محکمۂ صحت کے سربراہ ڈاکٹر منیر البرش نے کمزوراور لاچار فلسطینیوں پر استعمال ہونے والے اسرائیلی اسلحے سے متعلق ہولناک انکشافات کیے ہیں۔ اپنے بیان میں ان کا کہنا تھا کہ اسرائیلی افواج ایسے ہتھیار استعمال کر رہی ہے جن سے مرنے والوں کی لاشیں بخارات میں تبدیل ہو جاتی ہیں‘ اسرائیل نہتے فسطینی پناہ گزینوں پر خطرناک کیمیکل اور مواد والے بم برسا رہا ہے جس کے ہولناک اثرات سامنے آ رہے ہیں۔ ڈائریکٹر ہیلتھ نے کہا کہ عالمی قوتوں اور انسانی حقوق کی تنظیموں کو اس پر فوری ایکشن لینا چاہیے اور اسرائیل کو روکنے کے لیے اپنا کردار ادا کرنا ہوگاپوپ فرانسس نے غزہ سمیت دنیا بھر میں کشیدگی پر تشویش کا اظہار کرتے ہوئے کہا کہ غزہ میں فلسطینی قوم ظلم کے باعث تھک چکی ہے۔