نئی دہلی :
سیاسی کارٹونسٹ منجول نے بتایا ہے کہ ٹوئٹر کو ان کے اکاؤنٹ کے خلاف حکومت ہند کی شکایت موصول ہوئی ہے۔ ٹوئٹر کی طرف سے آئے ای میل شیئر کرتے ہوئے انہوں نے یہ معلومات دیں۔ ای میل میں ٹوئٹر نے لکھا ہے کہ اسے انڈین قانون انفورسمنٹ کی طرف سے شکایت ملی ہے کہ ان کا مواد انڈین قانون کی خلاف ورزی ہے۔
ای میل میں ، ٹوئٹر نے لکھا ، ’’اس درخواست کے نتیجے میں ہم نے ابھی تک رپورٹ کئے گئے موارد ( @Manjultoons) پر کوئی کارروائی نہیں کی ہے ۔‘‘
ٹوئٹر کی طرف سے موصولہ ای میل کا اسکرین شاٹ پوسٹ کرتے ہوئے منجول نے لکھا ،’’جے ہو مودی جی کی سرکار کی!‘‘ منجول نے ایک اور ٹویٹ میں لکھا ہے کہ اگر حکومت یہ بتادیتی کہ کس ٹویٹ سے مسئلہ ہے تھی توبہتر ہوتا۔
سرکار نے کارٹونسٹ منجول کے کسی ٹویٹ کی بجائے پورے اکاؤنٹ کے خلاف ایکشن کی مانگ کی ہے اور کہاکہ یہ ہندوستانی قانون کی خلاف ورزی کرتی ہے۔
کمپنی نے تجویز پیش کی ہے کہ کارٹونسٹ قانونی مشورہ حاصل کرسکتے ہیں اور حکومت کی درخواست کو عدالت میں چیلنج کرسکتے ہیں ، حل کے لئے سماجی تنظیموں سے رجوع کرسکتے ہیں یا رضاکارانہ طور پر مواد ہٹا سکتے ہیں۔
