نئی دہلی :
دہلی میں لاک ڈاؤن ایک ہفتہ کے لیے بڑھا کر 14 جون کی صبح 5 بجے تک لاگو کردیا گیا ہے ، حالانکہ اس بار کا لاک ڈاؤن رعایتوں والا لاک ڈاؤن ہے، اس بار 7 جون سے دہلی میں نئی چھوٹ ملنے جارہی ہے ۔ ان میں نہ صرف دکانیں کھلنے کی اجازت ہے، بلکہ آفس اور میٹرو سروس شروع کرنے کی اجازت مل گئی ہے۔ آئے جانتے ہیں پیر سے دہلی میں کیا کیا کھلنے جارہا ہے ؟
دکانیں:
آڈ -ایون فارمولے پر بازار اور مالس کو کھولا جائے گا۔ آڈ تاریخ (3,5,9) کے دن آڈ نمبر کی دکانوں کھولیں گی اور ایون تاریخ (2,4,6)کے دن ایون نمبر کی دکانیں کھولی جائیں گی ۔ یعنی آدھی دکانیں پیر، بدھ اورجمعہ کو کھلیں گی تو آدھی دکانیں منگل، جمعرات اور ہفتہ کو کھلیں گی۔ دکانوں کھلنے کا وقت صبح 10 بجے سے رات 8 بجے تک ہوگا۔ ضروری خدمات سے جڑیں دکانیں ہر دن کھلیں گی۔ ای کامرس کے ذریعہ ہوم ڈیلیوری کرنے کی اجازت ہوگی
دفتر:
دہلی کے تمام سرکاری دفاتر میں ، گروپ-اے کے تمام 100٪ فیصد افسر کام کریں گے اور باقی گروپ کے 50 فیصد افسر؍ ملازمین کام کریں گے، لیکن جو ضروری خدمات میں کام کرنے والے ملازمین ہیں وہ 100 فیصد کام کریں گے۔ تمام پرائیوٹ آفس 50 فیصد اسٹاف کے ساتھ کھولے جائیں گے ، لیکن کوشش ہوگی ہونی چاہئے کہ زیادہ سے زیادہ ’ورک فورم ہوم‘ کریں ۔
میٹرو:
50 فیصد صلاحیت کے ساتھ دہلی میٹرو خدمات شروع ہوں گی۔ 10 مئی سے میٹرو خدمات بند ہیں۔
آگے کیا؟
ابھی لاک ڈاؤن میں اتنی ہی رعایت دی جارہی ہے ، سی ایم کیجریوال نے کہاہے کہ اگر کورونا سے حالات قابو میں رہے تو آنے والے ہفتوں میں مزیدنرمی دی جائے گی۔
لاک ڈاؤن میں نرمی کیوں؟
دہلی میں یکم جون سے ان لاک کا عمل شروع ہوگیا ہے ، اس وقت تعمیراتی سرگرمیاں اور فیکٹریوں کو کھولنے کی اجازت دی گئی تھی ۔ سی ایم کیجریوال نے بتایاکہ ان لاک کا عمل شروع ہونے کے بعد بھی دہلی میں کورونا سے حالات قابو میں ہے، گزشتہ 24 گھنٹے میں 500 سے بھی کم کیسز آئے ہیں، ساتھ ہی انفیکشن کی شرح بھی 0.5فیصد کے آس پاس پہنچ گئی ہے ۔
