محمود عباس کی الفتح نے اسرائیل کی زبان بولی،حماس پر الزامات کی بارش

‏‏‎ ‎‏‏‎ ‎|‏‏‎ ‎‏‏‎ ‎ خبریں

فلسطینی نیشنل لبریشن موومنٹ (فتح) نے کہا ہےکہ حماس کو "مغربی کنارے میں اپنی مہم جوئی کو دوبارہ پیش کرنے” کا کوئی حق نہیں ہے۔ اس نے الزام عائد کیاکہ حماس "خود کو ایران اور دیگر علاقائی محوروں کے پاس گروی رکھے ہوئے ہے اور قبضے کے لیے سب سے بڑے بہانے فراہم کر رہا ہے۔ غزہ کی پٹی میں اسرائیل کی طرف سے مسلط کی گئی تباہی کی جنگ میں حماس اسرائیل کو جواز فراہم کررہی ہے۔فتح نے مزید کہا کہ حماس کی وجہ سے جنگ "غزہ کی پٹی کی تباہی کا باعث بنی اور دو لاکھ سے زائد بچوں، عورتوں اور مردوں کی شہادت، نقصانات، زخمی اور گرفتاری کا باعث بنی۔فتح نے کہا کہ "حماس کی جانب سے غداری کی بیان بازی بہتان اور من گھڑت الزامات مبنی ہے جو حقیقت اور حقائق سے منسلک نہیں ہیں۔ اسرائیلی قابض کے منصوبوں کے ساتھ کھلی ہم آہنگی میں حماس مغربی کنارے میں افراتفری اور انتشار کو ہوا دینے کی کوششوں میں مصروف ہے۔ حماس کی وجہ سے فلسطینی قوم کی مشکلات میں اضافہ ہوا اور تباہی کی ذمہ دار حماس ہے۔فتح نے زور دے کر کہا کہ "حماس کے تازہ بیان میں موجود تضادات اور من گھڑت باتیں ہمارے عوام کو ان کی بیداری سے نہیں روکیں گے۔ یہ گمراہ کن تقاریر ہمارے لوگوں کے خلاف اپنے منصوبوں کو عملی جامہ پہنانے کے قابض اسرائیل کے اہداف کے ساتھ ملتی ہیں۔”
فتح نے کہا کہ "فلسطینی سکیورٹی سروسز، عصری فلسطینی انقلاب کی فطری اور تاریخی توسیع کے طور پر اپنے بیٹوں کی ایلیٹ کو شہداء کے طور پر پیش کرتی ہیں تاکہ فلسطینی قومی منصوبے کو علاقائی جماعتوں کے حق میں چھیڑ چھاڑ سے بچایا جا سکے۔

قارئین سے ایک گزارش

سچ کے ساتھ آزاد میڈیا وقت کی اہم ضرورت ہےـ روزنامہ خبریں سخت ترین چیلنجوں کے سایے میں گزشتہ دس سال سے یہ خدمت انجام دے رہا ہے۔ اردو، ہندی ویب سائٹ کے ساتھ یو ٹیوب چینل بھی۔ جلد انگریزی پورٹل شروع کرنے کا منصوبہ ہے۔ یہ کاز عوامی تعاون کے بغیر نہیں ہوسکتا۔ اسے جاری رکھنے کے لیے ہمیں آپ کے تعاون کی ضرورت ہے۔