مہاکمبھ پہلے ہی ختم ہوگیا ،یہ سرکاری کنبھ ہے:شنکر اچاریہ اویکتیشورآنند  کا دعویٰ

مہاکمبھ 2025 بدھ کو پریاگ راج میں مہاشیو راتری کے اشنان کے ساتھ ختم ہوا، لیکن جگد گرو شنکراچاریہ سوامی اویکتیشورانند نے اس پر سوالات اٹھائے ہیں۔  انہوں نے دعویٰ کیا کہ اصلی مہا کمبھ پہلے ہی ختم ہو چکا ہے اور اب تک جو کچھ ہو رہا ہے وہ صرف ایک ‘سرکاری کمبھ’ ہے۔  یہ پہلا موقع نہیں ہے جب انہوں نے مہاکمبھ کے حوالے سے سوالات اٹھائے ہوں۔  اس سے قبل بھی صفائی اور تیاریوں کے حوالے سے انتظامیہ کو گھیرے میں لے چکے ہیں۔
خبر رساں ایجنسی اے این آئی کے مطابق شنکراچاریہ نے کہا کہ مہا کمبھ پورے چاند کے ساتھ اختتام پذیر ہوا ہے، کیونکہ حقیقی کمبھ ماگھ کے مہینے میں ہوتا ہے۔  انہوں نے کہا، "ماگھ مہینے کا پورا چاند گزر چکا ہے اور کلپ کے لوگ بھی اسی وقت لوٹ آتے ہیں۔  اب جو کچھ ہو رہا ہے وہ حکومت کے زیر اہتمام ایک الگ کمبھ ہے، جس کی روایتی کمبھ کی طرح روحانی اہمیت نہیں ہے۔  ان کے اس بیان نے کمبھ کے انعقاد کی پوترتا  اور روایت کو لے کر ایک نئی بحث چھیڑ دی ہے۔