بریلی:مسلم لڑکی کو ہندو لڑکا بھگا لے گیا،فرقہ وارانہ جھگڑے میں فائرنگ،تین زخمی

اترپردیش کے بریلی میں  دو فرقوں کے  کے درمیان بڑا تصادم ہوا ہے۔ جس میں ایک  کمیونٹی کی فائرنگ سے ایک مخصوص کمیونٹی کے تین افراد زخمی ہوئے ہیں۔ وہ فی الحال اسپتال میں داخل ہیں۔ اطلاع ملنے پر پولیس موقع پر پہنچی اور مشتعل افراد کو کھدیڑ دیا۔ مزید کسی بھی ناخوشگوار واقعے کو روکنے کے لیے پولیس کی بھاری نفری موقع پر تعینات کی گئی ہے۔ ڈی ایم اور ایس ایس پی خود موقع پر گشت کر رہے ہیں۔ معاملہ عزت نگر تھانہ علاقہ کے مڑیا احمد نگر کا ہے۔ اس واقعے کی وجہ ایک ہندو لڑکے کا مسلمان لڑکی کو بھگا لے جانا بتایا جاتا ہے۔ اطلاع ملتے ہی مسلم کمیونٹی کے لوگ اکٹھے ہوئے اور پوچھ گچھ کے لیے لڑکے کے گھر پہنچے۔ دونوں فریق آرام سے بات کر رہے تھے کہ اچانک کسی بات پر دونوں ناراض ہو گئے اور آمنے سامنے آ گئے۔
فائرنگ سے تین افراد زخمی ہوگئے  جیسے ہی ایک طرف سے فائرنگ شروع ہوئی تو دوسری طرف سے لوگوں نے بھی جوابی کارروائی شروع کر دی۔ ہندوفرقی کی فائرنگ سے   واجد، راشد اور نوید کو گولی لگی۔ اس میں وہ بری طرح زخمی ہو گئے۔ انہیں  فوری طور پر ہسپتال لے جایا گیا۔ اس دوران اطلاع ملنے پر تھانہ صدر کی پولیس موقع پر پہنچ گئی۔ کچھ ہی دیر میں ضلع کے تمام اعلیٰ حکام بھی موقع پر پہنچ گئے اور تحقیقات شروع کر دیں۔ سورس:ٹی وی 9بھارت