وقف بل پاس ہونے کے چند گھنٹوں بعد اراضی تنازعہ میں الجھے 50 افراد بی جے پی میں شامل

پارلیمنٹ سے وقف (ترمیمی) بل کی منظوری کے چند گھنٹے بعد، کیرالہ کے منمبم میں زمینی تنازعات میں پھنسے 50 افراد نے پارٹی کے ریاستی سربراہ راجیو چندر شیکھر اوردیگر رہنماؤں کی موجودگی میں ھارتیہ جنتا پارٹی میں شمولیت اختیار کی۔انہوں نے پارٹی کی رکنیت اس وقت حاصل کی جب چندر شیکھر کی قیادت میں این ڈی اے کے رہنماؤں نے جمعہ کو منمبم کے رہائشی علاقوں کا دورہ کیا اور انہیں یقین دلایا کہ بی جے پی کی زیرقیادت اتحاد اس وقت تک ان کی حمایت کرے گا جب تک کہ وہ اپنے محصولات کے حقوق حاصل نہیں کر لیتے۔رہائشی، کیتھولک چرچ کی بھرپور حمایت کرتے ہوئے، اپنی جائیدادوں پر محصول کے حقوق کے لیے گزشتہ 174 دنوں سے احتجاج کر رہے ہیں، جس کا مبینہ طور پر وقف بورڈ نے دعویٰ کیا ہے۔

انہیں امید ہے کہ وقف (ترمیمی) بل کی منظوری سے اراضی پر وقف بورڈ کے دعووں کا حل نکل آئے گا۔ مظاہرین نے چندر شیکھر سے بھی درخواست کی کہ وہ اظہار تشکر کے لیے وزیر اعظم سے براہ راست ملاقات کا اہتمام کریں اس کے جواب میں، چندر شیکھر، جس کے ساتھ بھارت دھرم جن سینا (بی ڈی جے ایس) کے رہنما تھشار ویلپلی تھے، نے انہیں یقین دلایا کہ وہ ملاقات کے شیڈول کے لیے وزیر اعظم کے دفتر کے ساتھ تال میل کریں گے۔کیرالہ میں سیاسی فائدے حاصل کرنے کی کوشش کرتے ہوئے، جہاں کیتھولک چرچ نے قانون سازی کی بھرپور حمایت کی، چندر شیکھر نے کانگریس اور بائیں بازو پر، جنہوں نے بل کی مخالفت کی، پر منمبم کے لوگوں کی قیمت پر خوشامد کی سیاست کرنے کا الزام لگایا۔ لوگوں نے زوردار نعروں اور تالیوں سے بی جے پی لیڈر کا استقبال کیا۔ بی جے پی لیڈر شان جارج، پی کے کرشنا داس اور کئی دوسرے ان کے ساتھ تھے۔سورسrediff• com