مرادآباد: کندرکی سے بی جے پی ایم ایل اے رام ویر سنگھ کے انتخاب کو چیلنج، ایس پی امیدوار رضوان پہنچے ہائی کورٹ

پریاگ راج:الہ آباد ہائی کورٹ نے مرادآباد کی کندرکی سیٹ پر ضمنی انتخاب جیتنے والے بی جے پی ایم ایل اے رام ویر سنگھ سمیت تمام امیدواروں کو نوٹس جاری کرتے ہوئے ان سے جواب طلب کیا ہے۔ یہ حکم جسٹس سمیت گوپال کی عدالت نے ضمنی انتخاب میں سماج وادی پارٹی کے امیدوار محمد رضوان کی طرف سے دائر انتخابی عرضی پر دیا ہے۔درخواست میں الزام لگایا گیا ہے کہ بی جے پی امیدوار رامویر سنگھ نے الیکشن جیتنے کے لیے طاقت کا غلط استعمال کیا۔ عدالت نے ایم ایل اے رامویر سنگھ سمیت تمام امیدواروں کو نوٹس جاری کرتے ہوئے 5 اگست تک ثبوت کے ساتھ جواب داخل کرنے کو کہا ہے۔
عدالت نے نوٹس جاری کرنے کے لیے رجسٹرار جنرل کے منتخب کردہ اخبار میں نوٹس شائع کرنے کا بھی حکم دیا ہے۔ اس کے باوجود اگر مدعا علیہ اگلی تاریخ پر اپنا موقف  پیش کرنے کے لیے پیش نہ ہوا تو اس کی غیر موجودگی میں بھی کیس کی سماعت کی جائے گی۔