منگلورو میں 30 سالہ ملزم کے قتل کے بعد کشیدگی

ایک30 سالہ شخص، جو سورتھکل میں 2022 کے ایک قتل کیس کا ملزم اور وشو ہندو پریشد (وی ایچ پی) کا ایک کیڈر تھا، کو منگلورو کے باجپے میں جمعرات کی رات قتل کردیا گیا جس سے تناؤ پھیل گیا ہے
دی ہندو The Hindu کے مطابق، سٹی پولیس نے واقعے کے بعد چیک پوسٹیں قائم کر دی ہیں اور گشت تیز کر دیا ہے۔
مرنے والے کی شناخت سوہاس شیٹی کے طور پر ہوئی ہے۔ ایک بیان میں، پولیس نے کہا کہ جمعرات کی رات، سوہاس شیٹی اپنے دوستوں – سنجے، پراجوال، انویتھ، لتیش اور ششانک کے ساتھ ایک گاڑی میں سفر کر رہے تھے۔  8:30 بجے کے قریب، گاڑی کو حملہ آوروں کے ایک گروپ نے روکا جو ایک کار اور ایک پک اپ گاڑی میں پہنچے۔حملہ آوروں نے، جن کی تعداد تقریباً چھ تھی، شیٹی پر تیز دھار ہتھیاروں سے حملہ کیا، جس سے وہ شدید زخمی ہوئے۔  اسے قریبی اسپتال لے جایا گیا، جہاں وہ زخموں کی تاب نہ لاکر  چل بسا – شیٹی کٹی پلہ کے منگلوار پیٹے کے رہنے والے 23 سالہ محمد فاضل کے قتل کا مرکزی ملزم تھا، جسے 28 جولائی 2022 کو سورتھکل میں ایک دکان کے سامنے قتل کیا گیا تھا۔ فاضل کو بی جے پی لیڈر پروین نیتارو کے قتل کے دو دن بعد قتل کیا گیا تھا۔شیٹی کل پانچ مجرمانہ معاملوں میں ملزم تھا، جن میں دو قتل کے معاملات شامل ہیں، مینگلورو سٹی اور دکشینہ کنڑ ضلع پولیس حدود میں۔  پولیس نے بتایا کہ پانچ مقدمات میں سے، ایک میں اسے سزا سنائی گئی، دو میں بری کر دیا گیا، اور قتل کے دو مقدمات میں ٹرائل جاری ہے۔
بی جے پی کے سابق ایم پی نلین کمار کٹیل سمیت بڑی تعداد میں لوگوں نے اسپتال کے مردہ خانے کا دورہ کیا جہاں شیٹی کی لاش رکھی گئی تھی۔