اب انڈیا گیٹ پر پکنک کا مزا پھیکا ہوگیا،چادر،بیگ ،کھانے کا سامان وغیرہ  لے جانے پر پابندی

انڈیا گیٹ پر نہ صرف ہندوستان کے لوگ آتے ہیں بلکہ پوری دنیا کے سیاح بھی آتے ہیں۔ لیکن اب یہاں سیکیورٹی اور وزیٹر رولز میں کچھ تبدیلیاں کی گئی ہیں جس کی وجہ سے فیملیز اور گروپس میں آنے والے لوگوں کا تجربہ کچھ بدل گیا ہے۔ اب انڈیا گیٹ پر آنے والے لوگوں کو اپنا بیگ، سامان، کھانا اور پالتو جانور باہر چھوڑنا ہوں گے۔
اس کی وجہ سے اب زیادہ تر خاندان دو گروپوں میں آ رہے ہیں، آدھے لوگ پہلے انڈیا گیٹ دیکھتے ہیں اور باقی لوگ باہر سامان کی حفاظت کرتے ہیں۔ پھر جب پہلا گروپ واپس آتا ہے تو دوسرا گروپ اندر چلا جاتا ہے۔ جس کی وجہ سے فیملی ایک ساتھ انڈیا گیٹ پر نہیں جا پا رہی ہے جس کی وجہ سے لوگوں میں کافی مایوسی دیکھی جا رہی ہے۔نئے  ضوابط کے مطابق اب انڈیا گیٹ پر آنے والے لوگ اپنے ساتھ بیگ، چادریں، کھانا یا پالتو جانور نہیں لے جا سکتے۔ اس کا مطلب ہے کہ اب وہاں پکنک منانے کی اجازت نہیں ہوگی، جب کہ پہلے لوگ اکثر انڈیا گیٹ پر بیٹھ کر کھاتے، پیتے اور مزے کرتے تھے۔ اس کے علاوہ مرکزی حکومت اس علاقے میں ویڈیو بنانے پر بھی پابندی لگانے پر غور کر رہی ہے۔لوگوں کا کہنا ہے کہ یہاں سامان لانے پر پابندی لگا دی گئی ہے، لیکن لاکر کی سہولت فراہم نہیں کی گئی۔ لال قلعہ اور قطب مینار جیسے تاریخی مقامات پر جہاں لاکر کی سہولت موجود ہے، وہیں انڈیا گیٹ پر ایسا کچھ نہیں ہے، جس کی وجہ سے سیاحوں کو کافی پریشانی کا سامنا ہے۔ سیکورٹی گیٹ پر تعینات گارڈز ممنوعہ اشیاء رکھنے والوں کو فوراً روکتے ہیں اور صاف صاف بتاتے ہیں کہ انہیں رکھنے کی کوئی جگہ نہیں۔
نیٹ پر دستیاب معلومات کے مطابق سیکورٹی حکام نے بتایا کہ یہ اقدامات انڈیا گیٹ کو خوبصورت بنانے اور اسے برقرار رکھنے کے لیے اٹھائے جا رہے ہیں۔ ان کے مطابق وہاں جو نئی گھاس اور باغبانی کی گئی تھی وہ لوگوں کے پکنک منانے، کھانا کھانے اور گھنٹوں وہاں گزارنے کی وجہ سے خراب ہو رہی تھی۔ اس لیے اب تھیلے، چادریں اور کھانا لے جانے پر پابندی عائد کر دی گئی ہے تاکہ انڈیا گیٹ کی خوبصورتی برقرار رہے۔ حکام کا یہ بھی کہنا ہے کہ جلد ہی وہاں لاکر کی سہولت فراہم کی جائے گی، تاکہ لوگوں کو اپنا سامان رکھنے میں کسی قسم کی پریشانی کا سامنا نہ کرنا پڑے۔سورس:نوبھارت ٹائمس