یوگی کا 24 گھنٹوں میں تیسرا الٹی میٹم کہا ” ‘غزوہ ہند’ کے تصور پر جہنم کا ٹکٹ ملے گا۔”

بلرامپور: وزیر اعلی یوگی آدتیہ ناتھ نے جو بلرامپور کے دورے پر ہیں ، بریلی فسادات کو لے کر 24 گھنٹے میں تیسری بار ‘فسادیوں’ کو الٹی میٹم جاری کیا۔ انہوں نے کہا کہ وہ اتر پردیش میں انارکی اور فساد پھیلانے والوں کو جہنم میں بھیج دیں گے۔ غزوہ ہند کی سازش کرنے والوں کو جہنم کا ٹکٹ ملے گا۔ ہندوستان ان عظیم روحوں کے نظریات کی پیروی کرے گا جنہوں نے قوم کے لیے اپنی جانیں قربان کیں۔
عوام سے خطاب کرتے ہوئے وزیر اعلیٰ نے ایک بار پھر ریاست میں انارکی اور فساد پھیلانے والوں کو خبردار کیا۔ انہوں نے کہا کہ اگر وہ اتر پردیش میں ایسا کرنے کی ہمت کریں گے تو وہ انہیں جہنم میں بھیج دیں گے۔ بریلی کا حوالہ دیتے ہوئے انہوں نے سبق سیکھنے کا مشورہ دیا۔
بھارت میں ‘غزوہ ہند’ ناقابل برداشت ۔
وزیر اعلیٰ نے کہا کہ کچھ لوگ بھارت میں رہتے ہیں لیکن غزوہ ہند کا نعرہ لگا کر ملک کے اندر ملک دشمن سرگرمیوں کو فروغ دے رہے ہیں۔ بھارت کی سرزمین پر ایسا نہیں ہوگا۔بھارت مہان آتماوں کی سرزمین ہے۔ یہاں ان عظیم روحوں کے آئیڈیل غالب رہیں گے جنہوں نے قوم کے لیے اپنی جانیں قربان کیں۔ غزوہ ہند کا تصور کرنا یا خواب دیکھنا بھی جہنم کا ٹکٹ ہو گا۔ ایسی سرگرمیوں میں مصروف افراد کو غور سے سننا چاہیے۔ جلد یا بدیر ان کا حشر بھی چھنگور جیسا ہی ہوگا ـ:
وزیر اعلیٰ نے مزید کہا کہ کسی کو بھی ریاست کا ماحول خراب کرنے کی اجازت نہیں ہے۔ کچھ لوگ نت نئے حربے اپنا رہے ہیں, انہیں یاد رکھنا چاہیے کہ ہم ان کی سوچ سے زیادہ تیار ہیں۔ انہیں اسی طرح پیٹاجائے گا جس طرح بریلی میں پیٹا گیا تھا۔ ان احمقوں کو یہ بھی نہیں معلوم کہ آستھا کی علامتوں کا احترام کیا جاتا ہے۔ آستھا ایسی چیز نہیں ہے جس کو چوراہے پر ظاہر کیا جائے۔
انہوں نے کہا کہ کچھ لوگ چھوٹے بچوں کو ’’آئی لو محمد‘‘ کے پوسٹر دے کر معاشرے میں انتشار پھیلا رہے ہیں۔ انہیں یہ احساس تک نہیں ہوتا کہ ان کی اپنی زندگی پہلے ہی برباد ہو چکی ہے۔ اب وہ ان بچوں کی زندگیاں بھی برباد کرنے پر تلے ہوئے ہیں۔ تاہم حکومت اس قسم کی انارکی کو ہرگز برداشت نہیں کرے گی۔ جو بھی قانون کو اپنے ہاتھ میں لینے کی کوشش کرے گا اسے پہلے ہی بتا دیا جائے گا کہ ہم انہیں بغیر پوچھے جہنم کا ٹکٹ دیں گے۔سورس: امراجالا