عالمی خبریں: اختصار کے ساتھ

*ایران امریکا کشیدگی: ایران کا بھی ابنائے ہرمز میں فوجی مشقوں کااعلان
میڈیا رپورٹس کے مطابق ایرانی پاسداران انقلاب نے ابنائے ہرمز فوجی مشقوں کا اعلان کرتے ہوئے کہا ہے کہ امریکی جہاز ایرانی سمندری حدود میں آئے تو ان پر حملہ کریں گے۔
**غزہ میں فلسطینی ریاست کے قیام کی اجازت نہیں ہوگی، نیتن یاہو
اسرائیلی وزیراعظم نیتن یاہو نے کہا ہے غزہ میں فلسطینی ریاست کے قیام کی اجازت نہیں ہوگی، اجازت دینے سے متعلق باتیں ہورہی ہیں تاہم ایسا نہ پہلے ہوا ہے اور نہ آئندہ ہوگا۔نیتن یاہو نے پریس کانفرنس میں کہا کہ ایران نے اسرائیل پر حملہ کیا تو ایسا جواب دیں گے جو پہلے کبھی نہیں دیکھا ہوگا
**ایران کی جانب بحری بیڑہ بڑھ رہا ہے، اب اسےسمجھوتہ کرنا ہوگا:ٹرمپ
امریکی صدر ڈونلڈ ٹرمپ نے کہا ہے کہ ایران کی جانب بحری بیڑہ روانہ کردیا ہے، اب ایران کو چاہیے کہ سمجھوتے کی جانب بڑھے۔عرب میڈیا کے مطابق امریکی صدر ڈونلڈ ٹرمپ نے کہا ہے ہماری انٹیلی جنس نے بتایا ہے کہ تہران میں موجود قیادت اس نازک وقت میں مذاکرات کرنا چاہتی
 "بیجنگ واسلامی ممالک کوسیکورٹی شراکت داری قائم کرنی چاہیے"چین
چین کے وزیرِ خارجہ وانگ یی نے کہا ہے کہ بیجنگ اور اسلامی ممالک کوعلاقائی مسائل کو حل کرنے کے لئے سیکورٹی شراکت داری قائم کرنی چاہیے ۔چین وزارتِ خارجہ نے ایک جاری کردہ بیان کے مطابق وانگ نے کہا ہے کہ بیجنگ، ترقی پذیر قوموں کے’آئینی حقوق و مفادات کے تحفظ’ اور دنیا کی دوبارہ ‘جنگل کے قانون’ کی طرف واپسی کے سدّباب کے لئے اسلامی ممالک کے ساتھ مل کرکام کرنے پر تیار ہے۔
**بنگلہ دیش نے انڈین اکنامک زون منصوبہ منسوخ کردیا
بنگلہ دیش نے چٹاکانگ میں انڈین اکنامک زون منصوبہ منسوخ کرنے کا اعلان کردیا، اس کی جگہ ڈیفنس اکنامک زون بنانےکا فیصلہ کیا گیا ہے۔
بنگلہ دیش اکنامک زونز اتھارٹی (BEZA) کے ایگزیکٹو چیئرمین چوہدری عاشق محمود بن ہارون نے ڈھاکا میں پریس کانفرنس کرتے ہوئے بتایا کہ چٹاکانگ میں انڈین اکنامک زون منصوبے کو منسوخ کرکے اس کی جگہ ڈیفنس اکنامک زون بنانےکا فیصلہ کیا گیا ہے۔
**سعودی عرب کا ایران کے خلاف اپنی فضائی حدود دینے سے انکار
سعودی عرب نے دوٹوک انداز میں کہا ہے کہ وہ کسی بھی ملک کو تہران کے خلاف فوجی کارروائی کے لیے اپنی فضائی حدود یا زمین استعمال کرنے کی اجازت نہیں دے گا۔ اس سلسلے میں سعودی ولی عہد شہزادہ محمد بن سلمان نے ایرانی صدر مسعود پیزشکیان سے فون پر بات کی۔اس سے امریکہ کو سخت دھچکا لگا ہےسعودی عرب نے ایران کو یقین دلایا کہ وہ اپنی سرزمین کو کسی بھی فوجی حملے کے لیے لانچ پیڈ کے طور پر استعمال نہیں ہونے دے گا۔ سعودی پریس ایجنسی (ایس پی اے) نے یہ اطلاع دی ہے
**جنگ بندی کے بعد بیت حنون کی مسماری،اسرائیلی مہم بے نقاب
عرب میڈیا کی جانب سے کی گئی ایک تحقیق میں انکشاف ہوا ہے کہ اسرائیلی فوج نے جنگ بندی کے باوجود شمالی غزہ کے شہر بیت حنون میں گھروں اور زرعی زمین کو منظم طریقے سے مسمار کیا۔ عرب میڈیا ‘الجزیرہ’ کی ڈیجیٹل انویسٹی گیوٹیو ٹیم نے 8 اکتوبر (سیز فائر کے دو دن بعد) سے 8 جنوری کے درمیان سیٹلائٹ تصاویر کا تجزیہ کیا جس سے معلوم ہوا کہ اسرائیلی بلڈوزرس کے ذریعے تقریباً 4 لاکھ 8 ہزار مربع میٹر رقبہ صاف کیا گیا، جس میں کم از کم 329 گھروں کے ملبے اور زرعی علاقے بھی شامل ہیں
**ایران پر حملہ حزب اللہ پر حملہ کے مترادف ہوگا ‘نعیم قاسم
بیروت ۔ لبنان میں ایرانی حمایت یافتہ ملیشیا حزب اللہ کے سربراہ نعیم قاسم نے واضح طور پر کہا ہیکہ ایران پر حملہ ان کے اپنے گروپ پر ہی حملہ ہوگا اور وہ کسی بھی صورت اسلامی جمہوریہ ایران پر حملے میں خود کو غیر جانبدار نہیں سمجھیں گے۔انہوں نے کہا کہ ایران پر کیا گیا یہ حملہ پورے خطے کو اپنی لپیٹ میں لے لے
ان کا یہ بیان ایران کے ساتھ اظہار یکجہتی کیلئے منعقدہ ایک ریلی کے موقع پر سامنے آیا ہے جس سے انہوں نے ٹی وی کے ذریعے خطاب کیا۔ قاسم نعیم نے کہا ایران کے خلاف جنگ پورے خطے میں آگ لگانے کا باعث بنے گی اور ہمیں اس وقت یہ انتخاب کرنا ہوگا کہ ہم اس کا ردعمل کس طرح دیں گے