اسلاموفوبیا: مہذب دنیا میں مسلمانوں سے مذہب کی بنیاد پر ناروا سلوک، دیوار سے لگانے پالیسیاں بن رہی ہیں: اقوام متحدہ

نیویارک،اقوام متحدہ کے سکریٹری جنرل انتونیو گوتیریس نے اسلاموفوبیا کے خلاف عالمی دن کی مناسبت سے دنیا کو مسلمانوں کے ساتھ ہونے والے ناروا سلوک کی طرف متوجہ کیا ہے ۔ ان کا کہنا ہیکہ آج کی مہذب کہلانے والی دنیا میں بھی مسلمان صرف اپنے مذہب کی بنیاد پر سماجی، معاشی اور سیاسی طور پر دیوار سے لگائے جا رہے ہیں۔ گوتیریس نے کہاکہ مسلمانوں کو جانبدار امیگریشن پالیسیوں اور پروفائلنگ کا سامنا کرنا پڑتا ہے ۔ انہوں نے کہا کہ آج دنیا کی عالمی برادری عہد کرے کہ ہر انسان کیلئے برابری اور وقار کو یقینی بنانے کی کوشش کی جائے گی۔ گوتیریس نے مزید کہا کہ انسانی حقوق کو سب کیلئے یقینی بنائیں چاہے اس کا مذہب کچھ بھی ہو۔صرف عقیدے کی بنیاد پر مسلمانوں کی مشکوک افراد کے طور پر پروفائلنگ کی جاتی ہے ۔ دنیا کے کئی ممالک کی امیگریشن اور سرحدی پالیسیاں خاص طور پر مسلمانوں کے خلاف بنائی گئی ہیں۔مسلمانوں کو سماجی و معاشی طور پر محروم رکھنے کیلئے دانستہ رکاوٹیں کھڑی کی جا رہی ہیں