ہندو رکھشا دل کے ایک رہنما کو اتر پردیش کے بلند شہر ضلع میں ایک ویڈیو منظر عام پر آنے کے بعد گرفتار کیا گیا ہے جس میں اسے ایک مسلم گیس ایجنسی کے مالک کو مبینہ طور پر گالی گلوچ ، گندی بھدی گالیاں اور دھمکیاں دیتے ہوئے دکھایا گیا ہے، جس میں اسے "بنگلہ دیشی” کہنا اور مسلم مخالف نعرے لگانا بھی شامل ہے۔
یہ واقعہ ضلع کے خورجہ شہر میں پیش آیا، جہاں نیتو یادو کے نام سے شناخت شدہ ملزم کا مبینہ طور پر خالد میاں سے سامنا ہوا، جو کہ ایل پی جی گیس ایجنسی چلاتے ہیں
وائرل ویڈیو میں خالد ہاتھ جوڑ کر کھڑا نظر آرہا ہے جبکہ یادو اسے گالی گلوچ اور دھمکیاں دے رہا ہے۔
خالد کے مطابق، یہ جھگڑا اس وقت شروع ہوا جب یادو نے اپنے ایک ساتھی کو لائن میں کھڑے ہوئے بغیر گیس سلنڈر دینے کا مطالبہ کیا۔
خالد نے کہا، "حکومتی قوانین ہیں کہ گیس صرف ان لوگوں کو فراہم کی جاتی ہے جن کے پاس درست بکنگ ہے۔ جب میں نے قواعد کا حوالہ دیا تو اس نے مجھے بنگلہ دیشی کہا اور بعد میں ایجنسی میں آکر میری توہین کی،” خالد نے کہا۔ویڈیو میں مبینہ طور پر یادیو کو دھمکیاں دیتے ہوئے اور متاثرہ کی مذہبی شناخت کو نشانہ بناتے ہوئے توہین آمیز زبان کا استعمال کرتے ہوئے دکھایا گیا ہے۔
پولیس نے مبینہ طور پر ان کی اپنی جانکاری پر ملزمان کے خلاف مقدمہ درج کیا، کیونکہ خالد خوف کی وجہ سے باقاعدہ شکایت درج کرنے سے قاصر تھا۔عہدیداروں نے کہا کہ اگرچہ نسبتاً معمولی سیکشنز کو ابتدائی طور پر استعمال کیا گیا تھا، یادو کو گرفتار کر لیا گیا ہے۔ کیس کی مزید تفتیش جاری ہے۔
