یہ اترپردیش ہے مسلم مزدور کو مندر میں یرغمال بناکر پیٹا

بنیاد پرستوں کے ایک گروہ نے اتر پردیش کے ضلع اٹاوہ کے ایک مندر میں دانش نامی ایک مزدورلڑکے کو یرغمال بناکراس کی پٹائی کی۔ انہوں نے اسے رسی سے باندھااور پائپ سے پیٹا۔
رپورٹ کے مطابق بی جے پی کے مقامی رہنما شیلندر ورما مبینہ طور پر اس حملے میں ملوث تھے۔
دانش کا کہنا ہے کہ وہمندر میں مزدور کی حیثیت سے کام کرتا تھا۔ جب تک کہ اس کا نام لوگوں کے سامنے نہیں آیا تب تک سب کچھ ٹھیک تھا۔
دانش نے تیجس نیوز کے نام سے مقامی میڈیا سے گفتگو کرتے ہوئے بتایا جب اس نے ادائیگی کے لئے کہا تو اسے ایک کمرے میں بلایا گیا اور اس کا نام بتانے کو کہا۔ جب اس نے کہا کہ وہ دانش ہے ، انہوں نے پوچھا ،کیا تم مسلم ہو ” اس کے بعد انہوں نے دروازہ بند کردیا ، مجھے رسیوںسے باندھ کر پائپوں سے پیٹنے لگا۔
انہوں نے الزام لگایا کہ اپنے اس فعل کا جواز پیش کرنے کے لئے مجھ پر مندر میں چوری کرنے کا جھوٹا الزام لگایا۔ پولیس اور اس کے لواحقین کے موقع پر پہنچنے پر دانش کو رہا کردیا گیا ۔ دانش نے کہا ، مندر کے پجاری میرے ناخن اور انگلیاں کاٹنے اور قبرستان میں میرے جسم کو جلانے کے بارے میں بات کر رہے تھے۔ رپورٹ میں ایس پی سٹی پرشانت کمار کے حوالے سے بتایا گیا ہے کہ واقعے میں مبینہ طور پر ملوث دو افراد کو گرفتار کرلیا گیا ہے۔