غازی آبادکے ایک مندر میں پانی پینے کو لے کر پیٹے گئے مسلم لڑکے کا ویڈیو ملک بھر میں وائرل ہونے کے بعدمعاشرہ شرمندہ ہو رہاہے۔وہیں پیٹے گئے لڑکے سے ملنے اور اس کی مدد کرنے والوں کا بھی تانتا لگا ہوا ہے۔ دہلی کے چاندنی چوک اسمبلی حلقہ سے سابق ایم ایل اے اور کانگریس لیڈر الکا لانبا بھی پیر کے روز متاثرہ کے گھر پہنچیں اور کنبہ کے افراد سے ملاقات کی اور واقعے پر افسوس کا اظہار کیا۔
الکا لانبا کےمتاثرہبچے سے ملنے پر انتہاپسند ہندوتوعناصر مشتعل ہوگئے کہ انہوں نے سابق ایم ایل اے اور ایک خاصکمیونٹی کو کھلے عام دھمکیاں بھی دیں۔ الکا لانبا نے اپنے سوشل میڈیا اکاؤنٹ سے ملزم نوجوان کی ویڈیو شیئر کی ہے۔ جو اب بہت وائرل ہو رہا ہے۔
لانبا کی طرف سے شیئر کردہ ویڈیو میں نوجوان یہ کہہ رہا ہے دہلی کی منہ بولی میاں خلیفہ کی بہن الکا لانبا بھی اس کو بھی بتائیں۔ 1700 بھائی ہیں ہم ،ڈاسنہ ، غازی آباد مندر چھوڑ و ، آس پاس بھی کوئی آیا ہم اسے چھوڑیں گے نہیں۔ ہم سر قلم نہیں کرتے ، ہم سر سمیت جسم کو غائب کردیتے ہیں۔ اس کے بعد یہ نوجوان مسلمانوں کو کھلی دھمکی دیتے ہوئے کہتا ہےکوئی جالی دار ٹوپی یا پاجامہ والا ہوتو آکر دکھائو بھائی۔
اس نوجوان نے اپنی ویڈیو میں دعوی کیا ہے کہ ، وہ بجرنگ دل کی مہاکال ٹیم سے ہے اور ہماری ٹیم پورے ہندوستان کی ایک خطرناک ٹیم میں سے ایک ہے۔ اس نوجوان کی ویڈیو اب سوشل میڈیا پر بہت وائرل ہو رہی ہے ، لوگ پولیس سے ملزمان کے خلاف سخت کارروائی کا مطالبہ کررہے ہیں۔
اس ویڈیو کو شیئر کرتے ہوئے ، الکا لانبا نے اپنے ٹویٹ میں لکھا ہے ،ڈاسنہ ، غازی آباد کیسے چلی گئی؟ بزدلوں آسام میں ہوںہمت ہے تو آجائو،ورنہ میں کل دہلی پہنچ رہی ہوں۔میں دہلی بیٹھے تمہارے باپ سے بھی نہیں ڈرتی پھر یوپی والا تمہارا باپ کس کھیت کی مولی ہے۔ جئے شری رام ، جئے مہاکال ، جئے بجرنگ بلی۔
الکا لانبا کے ٹویٹ کا جواب دیتے ہوئے غازی آباد پولیس نے اپنے ٹویٹ میں لکھا ، مذکورہ ویڈیو کی بنیاد پر 153a 295a 505 اور 504 آئی پی سی اور آئی ٹی ایکٹ کے تحت مقدمہ درج کرکے تفتیش کی جائےگی۔
الکالانبا نے غازی آباد پولیس کا شکریہ لکھا ، قانونی کارروائی پر غازی آباد پولیس کا شکریہ۔ ہمیں امید ہے کہ جلد ہی گرفتاری اور جیل بھیجی جانے والی تصاویر بھی پولیس کے ذریعے شیئر کی جائیں گی۔
