لکھنؤ:
اترپردیش میں آئندہ سال ہونے والے اسمبلی انتخابات کااعلان ابھی بھلے ہی نہ ہوا ہو، لیکن سیاسی سرگرمیاں تیز ہوگئی ہیں۔ مرکزی وزیر داخلہ امت شاہ ایک دن کے یوپی دورے سے کئی سیاسی فارمولیشن سادھ گئے، لکھنؤ میں فورنسک سائنس انسٹی ٹیویٹ کا سنگ بنیاد رکھنے کے بہانے جہاں انہوں نے اپوزیشن کو ’ پولیٹکل سائنس ‘ پڑھایا تو وندھیانچل کوری ڈور کے ذریعہ ہندوتوا کے ایجنڈے کے ساتھ ساتھ پوروانچل کا ذاتی فارمولیشن کو سادھنے کا داؤ چلا۔ پی ایم مودی کے بعد امت شاہ نے بھی سی ایم یوگی کی پیٹ تھپتھپاکر اشارے دے دیا ہے کہ 2022 کا الیکشن انہی کی قیادت میں لڑا جائے گا۔
مرکزی وزیر داخلہ امت شاہ کا اتوار کو لکھنؤ ، مرزا پور اور وارانسی کا دورہ بہت اہم رہا۔ شاہ نے لکھنؤ میں فورنسک سائنس انسٹی ٹیوٹ کا سنگ بنیاد رکھا اور اس دوران انہوں نے کہا کہ میں 2013 سے 2019 تک یہاں ہر ضلع کا دورہ کرتے ہوئے اب بہت تبدیلی محسوس کر رہا ہوں۔ شاہ نے کہا کہ مجھے پہلے والا یوپی ٹھیک سے یاد ہے۔ جرائم اور مجرم بے لگام تھے ، لیکن آج 2021 میں یوپی میں کھڑا ہوں تو فخر سے کہتا ہوں کہ یوگی آدتیہ ناتھ کی ٹیم نے ریاست کو آگے لے جانے کا کام کیا ہے۔ اس کے ساتھ ہی انہوں نے اترپردیش میں کورونا کے دوران کئے جانے والے اقدامات اور ویکسینیشن کا بھی ذکر کیا اور لوگوں کو یہ پیغام دینے کی کوشش کی کہ مرکزی حکومت اور اترپردیش حکومت دونوں مل کر ایک بہتر ریاست بنانے کی طرف بڑھ رہے ہیں۔
مغربی اتر پردیش میں ہوئے فسادات اور اس کے بعد وہاں سے نقل مکانی کرنے والے لوگوں کا ذکر کرتے ہوئے شاہ نے لکھنؤ سے مغربی اترپردیش کے سیاسی فارمولیشن بھی سادھنے کی کوشش کی۔ انہوں نے کہاکہ اس وقت مغربی یوپی میں تو جرائم کے ڈر سے لوگ اپنا گھر تک بیچنے پر مجبور ہوتے تھے، لیکن اب یہاں پر مجرم تھانوں میں جاکر خودسپردگی کررہےہیں ۔ امت شاہ نے کہاکہ اترپردیش کو فساد سے پاک بنانے کا کام بی جے پی نے کیاہے ۔ بی جے پی نے ہی یوپی کو مافیا سے نجات دلانے کا کام کیا ہے ۔ اس کے ساتھ زمین مافیا سے بھی آزادی دلائی ہے ۔اس کی وجہ سے یہاں کی معیشت بھی مضبوط ہو رہی ہے ۔
مرزا پور سے انوپریا پٹیل اپنادل کی رکن پارلیمنٹ ہیں اور مرکزی وزیر ہیں ۔ امت شاہ مرزا پور جاکر یہ بھی پیغام دے رہے ہیں کہ گٹھ بندھن دھرم نبھانے میں بی جے پی کوئی کسر نہیں چھوڑا۔ مرزا پور سے پریاگ راج تک بننے والے فور لین ہائی وے کو انوپریا پٹیل کے والد سونے لال پٹیل کے نام پر رکھا گیا ہے ۔ پرتاپ گڑھ میں بنے میڈیکل کالج کو بھی سونے لال پٹیل کے نام پر رکھا گیا ہے ، بی جے پی نے جس کے ذریعہ کرمی برادری کو بڑا سیاسی تحفہ دیا ہے ۔ پوروانچل کا یہ پورا علاقہ کرمی اکثریتی علاقہ ہے ۔
مرزا پور میں امت شاہ نے کہا کہ مودی حکومت نے دلتوں ، پسماندہ ، قبائلیوں کے لیے کام کیا ہے۔ مودی حکومت نے نیٹ و میڈیکل کی انٹرنس سیٹوں کے اندر او بی سی کو 27 فیصد ، غریب کے لیے 10 فیصد ریزرویشن کااعلان کیا ہے ۔ کانگریس اور دوسری پارٹیوں نے صرف پسماندہ طبقات کا ووٹ لیا، لیکن ان کی فلاح وبہبود کے بارے میں نہیں سوچا۔ اب مودی سرکار دیگر ذاتیوں کے بچوں کے ریزرویشن کے بارے میں بھی سوچ رہی ہے۔ پی ایم پسماندہ کمیشن لارہے ہیں ۔
امت شاہ نے یوپی کے دورے کے بہانے 2022 کے انتخابات میں بی جے پی کا سیاسی ایجنڈا بھی طے کرگئے۔ بی جے پی آنے والے انتخابات میں ہندوتوا اور قوم پرستی کو سب سے بڑا سیاسی ہتھیار بنائے گی۔ امت شاہ نے وارانسی میں کاشی وشوناتھ مندر میں درشن اور مرزا پور میں وندھیانچل کوری ڈور کا سنگ بیناد رکھنے کے بہانے ہندتو ا کے ایجنڈا سیٹ کرتے نظر آئے ۔ 550 سال سے رکے رام مندر کی تعمیر کی شروعات مودی نے کی۔ ہر روایت کو بی جے پی سرکار نے زندہ کیا ہے، لوگ سوچتے تھے ک ان کی آستھا کا احترام کیوں نہیں ہوتا تھا۔
وہیں ریاست کی سیاست کو کافی قریب سمجھنے والے سینئر صحافی کاشی یادو کہتے ہیں بی جے پی نے ایک جانب جہاں اپنے دو بڑے بڑے لیڈروں کو اترپردیش کی سیاسی زمین پر انتخابی ماحول بنانے میں مصروف ہوگئی ہے ۔ امت شاہ کا اترپردیش کایہ دورہ صرف اسکیموں کی شروعات یا افتتاح کرنے تک ہی محدود نہیں ہے بلکہ اس دوران اترپردیش میں ہونے والے انتخاب کے روڈ میپ کے ساتھ ساتھ سیاسی ایجنڈا بھی سیٹ کرگئے ہیں۔ جس میں انہوں نے ہندوتو ا سے لے کر ذاتی اور علاقائی فارمولیشن سادھنے کی کوشش کرتے نظر آئے۔
