نئی دہلی :
کانگریس لیڈر راہل گاندھی سمیت کئی دیگر لیڈروں کے آفیشل ٹوئٹر اکاؤنٹ لاک کردیا گیا ہے۔ اس بات کی جانکاری خود کانگریس کی جانب سے فیس بک پیج پر دی گئی تھی۔ کانگریس کی جانب سے بتایا گیا تھا کہ پارٹی کے آفیشیل ٹوئٹرہینڈل تک لاک کردیا گیا ہے ۔ دوسری جانب ٹوئٹر کاکہنا ہے کہ لیڈروں کے ذریعہ قوانین کی خلاف ورزی کرنے پر ایسا قدم اٹھایا گیا تھا۔ معاملے کو لے کر انڈیا ٹی وی کے ڈبیٹ شو مقابلہ میں بھی بحث کی گئی، جہاں کانگریس لیڈر الکا لانبا و نیوزاینکر اجے کمار میں بھی جم کر بحث ہوئی۔
دراصل ڈبیٹ شو میں الکا لانبا سے سوال کیا گیا کہ راہل گاندھی کا اکاؤنٹ بلاک کیوں کیا گیا؟ اس کا جواب دیتے ہوئے الکا لانبا نے کہا ’’ آپ نے کہاکہ تھا کہ عصمت دری کی متاثرہ کی شناخت کی گئی، لیکن متاثرہ تو زندہ ہی نہیں تھی، نہ اس کا چہرہ اورنہ اس کا نام کچھ نہیں شیئر کیاگیا۔‘‘
الکا لانبا کی باتوں کی درمیان نیوز اینکر نے ٹوکتے ہوئے کہاکہ شناخت کیسے شیئر کی جاتی ہے ،یہ بات آپ بہت اچھے سے جانتی ہیں ۔ پریوار کے کسی بھی شخص کی فوٹو شیئر کرنا شناخت عام کرنا ہے ۔ وہیں الکا لانبا نے اپنی بات کو آگے بڑھاتے ہوئے کہاکہ ’’ تو کیا نربھیا کےوالدین جب پی ایم مودی سے ملے تھے ، فوٹو وائرل ہوئی تھی کہ نہیں۔‘‘
الکا لانبا کی بات پر نیوز اینکر نے طنز کستے ہوئے کہا :’ یہ اچھا چلن چل گیا ہے کہ پہلے اینکر پر ہی سوال داغنے شروع کردو، جیسے اینکر نے ہی سب سے بڑا گناہ کیا ہو۔ بس یہ بتائیں کہ راہل گاندھی نے خلاف ورزی کی یا نہیں؟‘ الکا لانبا نے اس کا جواب دیتے ہوئے آگے کہا ’ راہل گاندھی کی غلطی صرف اتنی تھی کہ جہاں ملک کے پی ایم کو جاننا چاہئے تھا ، خواتین وزراء کو جاننا چاہئے تھا، وہاں وہ گئے تھے۔
الکا لانبا کی باتوں کے درمیان نیوز اینکر کا سوال پوچھنا جاری رہا۔ ایسے میں کانگریس لیڈر نے مشتعل ہوکر کہاکہ آپ اپنے آپ ہی بحث کر لیجئے ۔ جلیبی بنا کر سوال پوچھ رہے ہیں اور جواب سیدھاچاہئے۔ محترم ناظرین یہ دیکھ لینا، یہ اینکر سرکار کے ترجمان بن رہے ہیں۔ آپ مجھے بولنے نہیں دیں گے ،پھر بعد میں بولیں گے کہ دوسرے لوگوں کے درمیان میں الکا لانبا بولتی ہے۔ آپ قتل کریں گے تو ہار پہنائیں گے ،الکا لانبا کرے گی تو پھانسی چڑھا دیں گے ، راہل گاندھی کو سزا مل گئی،کیا یہ سزا ایس سی کمیشن کے لوگوں کو ملی تھی ۔
